MIKAH

Thuhmaihruai

Profet Mikah hi Isaiah thawn san khat sungih hnaṭuan tlang le thlanglam ram Judah peng khawte ih suak veve an si. Saklam ram pawl harsatnak nan tuar ding a si tiah Amos ih a sim bangin Judah ram khal in a tuar ding ih saklam ram pawl an dik lo le an fel lo ruangah Pathian in harsatnak a pek bangin thlanglam ram khal in a tuar ve ding a si tiah Mikah in a thei. Asinain Mikah ih simmi thu sungah hmailam ah ruahsannak a um lai ti thu fiang deuh le fel deuh in a langter.

Himi sungah hminsin tlakmi cu Pathian zaarah leitlun hmuahhmuah ah remnak a um ding (4:1-4), David tefa sungin remnak le daihnak thlentertu siangpahrang a suahnak ding thu (5:2-4) le caangkhatte sungah biaknak timi hi ziangso a si ti thu famkim tein a sim (6:8.)

Thutlangpi
Judah le Israel thuṭhennak (1:1-3:12)
A hlan vekih dinter salnak le hnangam daihnak (4:1-5:15)
Ralrin peknak le ruahsannak thu (6:1-7:20)

Mikah 1

1Jotham, Ahaz le Hezekiah in Judah siangpahrang an rak ṭuan laiah Moresheth khua mi Mikah hnenah Bawipa ih ṭongkam a ra thleng. Samaria le Jerusalem thuhla ah Bawipa in Mikah hnenah a run langtermi a si.

Samaria Le Jerusalem Hrangih Ṭahhla

2Rak ngai uh, nannih miphun pawl, 3 Bawipa cu a hmun thianghlim 4A ke thuaiah tlang pawl cu meisa

5Hi thil pawl cu a kim ding, ziangahtile Israel mi pawl an sualih Pathian an dodal ruangah a si. Israel ih sualnak hi zo mawhthluk ding so a si? An khawpi bik Samaria rori mawhthluk ding a si. Judah ram sungih milem biaknak a um hi zo mawhthluk ding so a si? Amah Jerusalem a si ko. 6Curuangah Bawipa in, “Samaria cu phuul lakih khawrop le Sabit hri cinnakah ka canter ding. Khua dawlnak lungto pawl cu horkuam sungah ka hriil ṭheh ding ih khua hramṭohnak lung phum pawl cu ka langter ṭheh ding. 7An sunloih zetmi milem pawl ka vuakkuai ṭheh ding ih an biakinn hlawhhlang pawl an pekmi thil hmuahhmuah meisa in ka ur ṭheh ding. An milem pawl cu hnawmpen ah an cang ṭheh ding. Samaria in hi thil pawl cu hlawhhlan man ah a ngah ih atu-ah cu pawl cu a ral pawl in hlawhhlang man ah hmun dangah an pek ding,” tiah a ti.

8Cule Mikah in, “Hiti a si ruangah kei cu riahsia in ka ṭap ding. Ka riahsiatnak langternak ah ka ke lawngin le ka lawngfangkheh in ka vak rero ding. Cinghnia bangin riahsia in ka bo ding ih kalauk vate bangin lungleng in ka ai ding. 9Samaria ih hma cu damter a theih nawn lo; Judah khal cuvek thotho in a tuar ding. Siatsuahnak cu ka minung pawl an umnak Jerusalem kotka a thleng zo,” a ti.

Ral In Jerusalem An Pan

10Ral ih in nehzia hi Gath ih um kan ral pawl sim hlah uh; kan ṭah rero hi hmu hlah haiseh. Maw Beth Leafrah khua mi pawl, nan riahsiatnak cu leivut lakah riil tahrat in langter uh. 11Maw Shafir khua mi tla, taklawng le ningzak in sal ah feh uh. Zaanan khuaih a ummi pawl cu an khua in an suak ngam lo. Bethezel khua mi pawl an riahsiatnak nan theih tikah cutawkah beunak a um lo ti thei uh. 12 Bawipa in harsatnak cu Jerusalem khua kiangte tiang a thlenter zo ruangah Maroth khua mi pawl cu bomnak ngah ding an hngakhlap zet. 13Nannih Lakhish ih a ummi pawl, rang pawl cu rangleng ah ṭemcih uh. Nannih in Israel sualnak nan cawng ih cuti cun Jerusalem nan sualter. 14Curuangah, maw Judah mi pawl, Moresheth Gath khua cu ṭhen awknak laksawng nan pek a ṭul ding. Akzib khua cu Israel siangpahrang pawl hrangah cun bumnak lawng a si.

15Maw Mereshah mi pawl, nan ral in nan khua an la ding ih Bawipa in nan ral kut sungah a lo thlenter ding. Israel hruaitu pawl cu an tlan ding ih Adullam lungpuk ah an relh ding. 16Maw Judah mi pawl, nan fahniang pawl nan ngai ruangah riahsia in nan sam meet uh. Nan faale pawl cu sal ah an kai ding ih ramdang ih an fehpi ding ruangah nan lu cu langta lu bangin meet kolh thluh uh.

⇑

[Remove Footnotes]