SAAM HLABU

(Psalms)

Thuhmaihruai

Saam cabu cu Baibal ih Hlabu le Thlacamnak cabu a si. Hla phuahtu le cangantu pawl in kum tampi sung an rak phuahmi a si ih himi hla le thlacamnak pawl tla cu Israel pawl in an Pathian biaknak ah an hmang. A neta bik ah an Cathiang sungah an telh.

Himi biaknak lam hla hi phun tampi a um. Thangṭhatnak hla, Pathian biaknak hla, Pathian thlawsuah lomnak hla, sual ngaithiam dilnak, ral nehnak hrang thlacamnak ti tla an si. Cule rampi hrang thlacamnak le pumpak thlacamnak tla an si. A hrekkhat cu pumpak thinlung thuuk zet sungih ummi thu phorhsuahnak a si ih a hrekkhat cu Pathian ih minung hmuahhmuah hin anmah ih ṭulhainak le an thinlung langternak tla an si.

Saam Hlabu hi David ih nganmi a si, tiin zumnak a um. Asinain a zate cun a ngan lo, ti tla in zumnak a um ve. Siangpahrang David cu 1000 BC hrawng ih a rak ummi a si ruangah Saam Hlabu hrekkhat cu cuih hrawng ih rak nganmi a si ding, tiah zumnak a um. A hrekkhat cu (Saam 126 le 137 ti tla hi) Babilon saltaan laiih (586-538 BC), a si lole, hnu ih nganmi a si, ti hi theih fiang a si.

Saam Hlabu hi Bawi Jesuh khal in a hmang ih Thukam Thar ngantu pawl khal in an hmang. Khristian Kawhhran a hramthok tir lai hrimhrim ah an sunloihmi cabu a si.

Thutlangpi
Saam Hla fiing 150 hi ṭhen nga ih ṭhen a theih.
   Saam (1-41)
   Saam (42-72)
   Saam (73-89)
   Saam (90-106)
   Saam (107-150)

Saam Hla bu 1

Bu Khatnak (Saam 1-41)

Lungawinak Taktak

1Mi ṭha lo pawlih ruahnak pekmi 2 Bawipa ih Daan thlun cu 3Amah cu tiva kapih a khomi 4Asinain mi ṭha lo pawl cu 5Mi ṭha lo pawl cu Pathian in 6 Bawipa in mi ding fehnak
⇑

[Remove Footnotes]