LAMKALTU

HNA RIANṬUANNAK

Acts

Biahmaiṭhi

Lamkaltu Hna Rianṭuannak Cauk timi hi Luka Thawngṭha peh kha a si. Hi cauk nih aa tinh bikmi cu Jesuh zultu hna nih Thiang Thlarau hruainak thawngin Jesuh kong Thawngṭha kha “Jerusalem khua le Judea ram vialte le Samaria ram dihlak le vawlei cung khuazakip ah an karhternak” kong kha a si (1.8). Judah mi hna sinin aa thawk i vawlei cung dihlak kha a cul dihtu zumhning a si.

Cun hi cauk a ṭialtu nih hin fiang seh ti a duh rihmi cu Khrihfa phung hi Rom cozah dohnak ca i sermi phung a si lo ti kha a si hlei ah Judah mi hna biaknak a tlinnak a si ti kha a si.

Lamkaltu cauk hi cheu thum ah cheu khawh a si:

1. Jesuh vancung a kai hnuah Jerusalem khua chungin Khrihfa phung cu aa thawk,

2. Palestine ram chung hmun dangdang ah khan a karh i,

3. Mediterranean Rili kam ram hrawng vialte kha a cul dih i Rom khua tiang a phan.

Lamkaltu hna rianṭuannak cauk chungah thil pakhat a lang ngaimi cu Thiang Thlarau rianṭuannak kong a si. Pentekos ni ah khan Bawi Jesuh zummi hna cungah Thiang Thlarau kha a tlung i Thiang Thlarau nih cun Khrihfabu cu a hruai i thazang a pek. Hi cauk chungah hin Khrihfa hmasa bik pawl an phungchimmi le thil an timi le hi phung an chimmi le thil an tuahmi nih zeitindah minung nunnak chungah rian a ṭuan ti kha kan hmuh.

Tlangpi Hna
Tehte sinak ding timhtuahnak 1.1-26
     a. Jesuh nawlbia hmanung bik le biakam 1.1-14
     b. Judas changtu 1.15-26
Jerusalem ah tehte a sinak 2.18.3
Judea le Samaria ram ah tehte sinak 8.412.25
Paul rianṭuannak 13.114.28
     a. Paul khualtlawn voi khatnak 13.114.28
     b. Jerusalem pumhnak 15.1-35
     c. Paul khualtlawn voi hnihnak 15.3618.22
     d. Paul khualtlawn voi thumnak 18.2321.16
     e. Paul Jerusalem, Sisaria le Rom ah thong a tla 21.1728.31

Lamkaltu 1

1Ka dawtmi Theofilas:

Ka cauk hmasa u ah khan Jesuh nih rianṭuan hram aa thawk riin vancung i lak a si ni tiang * 2a tuahmi thil vialte le a cawnpiaknak vialte kha ka ṭial. Vancung i a kal hlanah khan a lamkaltu caah a thimmi hna kha Thiang Thlarau thawngin a cawnpiak hna. 3A thih hnuah ni sawm li chung an sinah voi tampi a lang i a nung ṭhan hrimhrim ti kha zumh lo awk zeihmanh um loin lam tam piin a langhter: annih nih amah cu an hmuh i anih nih Pathian Pennak kong kha a ruah hna. 4Cun an sin i a um lioah khan hi nawlbia hi a pek hna i, “Jerusalem khua hi chuahtak hlah u, ka Pa nih a rak in kamhmi hna laksawng ka rak in chimhmi hna tu kha hngak ko u. * 5Johan nih cun ti in tipilnak a pek hna, sihmanhsehlaw kan hmailei ni tlawmte chungah hin Thiang Thlarau in tipilpek nan si lai,” tiah a ti. *

Jesuh Vancung Ah A Kai

6Jesuh le a lamkaltu hna cu hmunkhat i an um tikah khan, a lamkaltu hna nih cun an thawh i, “Bawipa, atu caan ah hin maw Israel mi cu uknak kha na pek ṭhan hna lai?” tiah an hal.

7Jesuh nih cun a thawh hna i, “Ka Pa nih amah nawlngeihnak chungah a chiahmi caan le nithla kong cu nannih hngalh awk a herh lo. 8Asinain Thiang Thlarau nan cung i a tlun tikah cun, ṭhawnnak in nan khat lai i Jerusalem khua le Judea ram vialte le Samaria ram ah le vawlei cung khuazakip ah ka tehte nan si lai,” tiah a ti hna. * 9Hi bia a chim dih in an hmuh hngan te ah cun vancung ah a kai; cun minmei nih a hun phenh i an hmu kho ti lo. *

10Annih nih a liam riahmah kha an cuanh ko lioah cun, puan rang aih in minung pahnih an pawngah cun chikkhatte ah khin an rung dir i, 11“Galilee mi hna, zeicahdah van lei zoh in nan dir ko? Nan sinin van ah a kaimi Jesuh hi, van ah a kai nan hmuh bantukte hin a ra kir ṭhan lai,” tiah an ti hna.

Judas Chaangtu Thimnak

12Cun lamkaltu hna cu Oliv Tlang khan Jerusalem khua ah khan an kir; cucu Jerusalem khua in meng cheu tluk a si. 13Jerusalem khua chungah khan an lut i an rak umnak khaan chungah khan an va kal: Peter, Johan, Jeim le Andru, Filip le Thomas, Bartholomew le Matthai, Alfeas fapa Jeim, Phunṭanh Simon le Jeim fapa Judas an si. * 14Thlacam awkah atu le atu a bu tein an i pum i an sinah cun nu hna le Jesuh nu Mary le Jesuh naule kha an um ve.

15Cu hnu ni tlawmpal ah khan Jesuh a zummi hna kha an i pum i an dihlak ah za khat le kul tluk an si; cu pumhnak ah cun Peter cu a tho i, 16“Ka u le ka nau hna, Jesuh a tlaitu hna lam hruaitu Judas kong ah, Thiang Thlarau nih David ka in a chimchungmi bia, Cathiang chung i aa ṭialmi kha a tlin awk a herh. 17Judas cu kan rian ah hin i tel ve awkah thim a rak si caah khan kan bu chungah hin a rak i tel ve,” tiah a ti.

18(Judas nih khan thil ṭhalo a tuahmi man ah tangka a hmuhmi khan lo pakhat a cawk i cuka ah cun thi lakin a tlu i a kek dih i a chungril vialte a chuak dih. * 19Jerusalem khua i a ummi vialte nih cucu an theih i cu lo cu a min ah anmah holh in Akeldama an sak i, a sullam cu Thisen Chuahnak Lo ti a si).

Peter nih cun, “Salm cauk chungah khan,

20‘A inn cu lawng seh law

‘A rianṭuannak hmun zong kha

21cucaah Bawipa Jesuh a thawh-ṭhannak a hngaltu tehte si ve awk caah pakhatkhat nih cun a kan chap a hau. 22Amah cu Bawipa Jesuh nih kanmah he khual a tlawn lengmang lio i kan sin i aa tel lengmang vemi, Johan nih tipil innak kong a chim ri in Jesuh nih van ah a kan kaitak tiang kan sinah aa tel lengmang vemi a si awk a si,” tiah a ti. *

23Cucaah mi pahnih min kha an chuahpi: cu hna cu Josef, Barsabbas an timi, (Justas ti zongah an ti fawnmi) le Matthias kha an si. 24Cun thla an cam i, “Bawipa, nangmah nih minung lungthin vialte cu na hngalh dih. 25Cucaah Judas nih amah hmun a simi i kal awkah a chuahtakmi rian, lamkaltu hna rian rawlh awkah, hi pahnih hna lakah hin aho deuh hi dah na thimmi an si, kan hmuhsak tuah,” tiah an ti. 26Cun cu hna pahnih lakah aho deuh cu dah kan thim lai tinak caah camcawhfung an zuh i an thimmi cu Matthias kha a si; cun amah cu lamkaltu pahleikhat hna bu chungah khan a lut.

⇑

[Remove Footnotes]