Hebru 3

Jesuh Cu Moses Nakin A Ngan Deuh

1Pathian nih a kawh vemi Khrihfa u le nau hna, kan i lakmi phung ca i Tlangbawi Ngan si awkah Pathian nih a thlahmi Jesuh kong kha ruat hmanh u. 2Moses cu Pathian innchungkhar rian ah a fel bantukin Jesuh zong cu hi rianṭuantu dingah a thimtu Pathian sinah khan zumh awk tlak tein a um ve. * 3Inn satu nih inn nakin upatnak a hmuh deuh bantukin Jesuh zong cu Moses nakin sunparnak hmuh awkah tam piin aa tlak deuh. 4Nan hngalh cio bangin inn cu mi nih an sak taktak — zeizong vialte a satu bel Pathian a si. 5Moses cu Pathian inn chungah khan rianṭuantu zumh awk tlak a rak si i Pathian nih hmailei ah a rak chim lai dingmi zong kha a rak chim. 6Sihmanhsehlaw Khrih zumh awk tlak a sining cu, Pathian inn a zohkhenhtu Fapa ningin a si. Cu inn cu kanmah hi kan si i cu kan simi cu kan i ruahchanmi kha fek te le ṭih lo tein kan i tlaih peng lawngah kan si zungzal lai.

Pathian Mi Hna Caah Dinhnak

7Cucaah Thiang Thlarau nih a ti bantukin,

8Nan pupa hna nih Pathian kha 9Pathian nih, ‘Kum sawm li chung 10Cucaah an cungah ka thin a hun i 11ka thin a hun caah cun chiatser tein,

12Ka u le ka nau hna, a nungmi Pathian zamtak a duhmi lungthin ṭhalo le Pathian bochan duh lonak lungthin a ngeimi nan um sual nakhnga lo i ralring u. 13Nannih cu sualnak nih an hlen hna nakhnga lo le lungṭhawng in nan um sual nakhnga lo, Cathiang nih, “Nihin,” a timi kha nan caah nihin a si chung paoh cu, nifate in pakhat le pakhat i bawm lengmang u. 14Zeicahtiah a hramthawk tein ralṭha ngaiin kan rak zumhmi kha fek tein a dongh tiang kan i tlaih ahcun, kan dihlak in Khrih hawi kan si dih zungzal lai.

15Cathiang nih a chimmi cu hihi a si:

16Ahodah Pathian aw cu a rak thei i Pathian a rak dohmi cu an si? Moses nih Izipt ram in a chuahpimi vialte kha an si ko. * 17Aho cungah dah Pathian kha kum sawm li chung a thin a hun? Sualnak a tuahmi, thetse ram i a thimi hna cungah khan a si. 18Pathian nih, “Ka dinhnak chungah an lut lai lo,” a ti ah khan, ahodah a tihnawh duhchan hna? Amah a dohtu kha a tihnawhchan hna. 19Cucaah cun an zumh lo caah an rak luh khawh lonak kha a si, ti cu kan hmuh cang.

⇑

[Remove Footnotes]