LUKA

SININ THAWNGṬHA

Luke

Biahmaiṭhi

Luka Thawngṭha nih hin, Jesuh cu Pathian nih Israel mi a rak kamhmi hna Khamhtu kha a sinak le cu lawng si loin mi vialte Khamhtu zong a sinak kha a chim. Luka nih hin Jesuh cu Pathian Thiang Thlarau nih “Thawngṭha cu misifak hna sinah va chim,” a ti, tiin a ṭial i Thawngṭha hi mi nih kan herh kan baunak ah Pathian nih kan zawn a kan ruahnak in a khat. Luka Thawngṭha chungah hin lawmhnak zong biapi in hler a si kha kan hmuh fawn; Jesuh chuahnak kong ah hihi kan hmuh i Jesuh vancung kainak zongah khan kan hmuh. Khrihfa zumhnak phung aa thawknak le a karhnak cu Luka ṭhiamṭhiam nih a ṭialmi Lamkaltu Hna Rianṭuannak Cauk chungah kan hmuh fawn.

Thawngṭha cauk dang i kan hmuh hna lomi Luka Thawngṭha chung lawng i kan hmuhmi hna an um len, cu hna cu: Jesuh chuah i vancungmi hlasak tehna, cun tuukhal nih an va vehnak tehna, Jesuh ngakchia a si lio i Biakinn chung i upa hna he bia an i ruahnak tehna, Samaria Miṭhapa Bianabia tehna le Fapa Tlau Bianabia tehna hi an si. Luka Thawngṭha chungah hin a hramthawk in a donghnak tiang thlacamnak le Thiang Thlarau biapi an sinak le Jesuh rianṭuannak ah nu san an tlaih venak le Pathian nih sualnak a ngaihthiamnak kong biapi an sinak kha a lang lengmang.

Tlangpi Hna
Biahmaiṭhi 1.1-4
Tipilpetu Johan Chuahnak Jesuh Chuahnak le Ngakchiat lio 1.52.52
Tipil Petu Johan Rianṭuannak 3.1-20
Jesuh Tipilnak le Tukforhnak 3.214.13
Jesuh Galilee Peng Rianṭuannak 4.149.50
Galilee in Jerusalem tiang 9.5119.27
Zarh khat hmanung bik, Jerusalem le a pawngkam ah 19.2823.56
Bawi Jesuh Thawhṭhannak, Langhnak le Vancung Kainak 24.1-53

Luka 1

1Theofilas Bawipa,

Mi tampi nih kan lak i thil a cangmi kong hi an thiam khawh chungin ṭial an rak i zuam cio. 2Cu an ṭialmi cu a hramthawk lio i an mit in a rak hmumi hna nih an kan chimhmi le hi bia a rak chimtu hna nih an rak chimning khan a si. 3Cucaah Bawipa, kei zong nih hi thil vialte hi a hramthawk tein ṭha tein ka dothlat cikcek hnuah na sinah aa tlai thliahmah in ṭial ah a ṭha tiah ka ruah. 4A chimh zong an in chimh len cangmi kong biatak kha a ningcang tein na hngalh khawh nakhnga, tiin hi ca hi kan kuat.

Tipil Petu Johan Hrinnak

5Herod kha Judea Siangpahrang a si lioah, Abijah tlangbawi phu chungah aa telmi tlangbawi pakhat a min Zekhariah an timi kha a rak um. A nupi min cu Elizabeth a si i amah zong cu tlangbawi hrinthlak a si ve. * 6An pahnih in Pathian hmaiah nuncan ṭha in a nung i Bawipa nawlbia vialte le phunglam vialte tlamtling tein a zulmi an si. 7Elizabeth cu a cin caah fa pakhat hmanh an ngei lo. An pahnih in an tar ngaingai cang.

8Ni khat cu Zekhariah kha, nifate an rianṭuannak ah a caan a hung phan ve i Pathian hmaiah khan tlangbawi rian cu a ṭuan. 9Tlangbawi hna nih an zulhmi phungning in, biakṭheng cung i rimhmui khangh awkah khan amah cu camcawhfung zuh in an thim. Cucaah Bawipa Biakinn chungah khan a vung lut. 10Cu caan cu rimhmui khangh lio i mi zapi Biakinn leng i thla an cam caan kha a si. 11A sinah Bawipa vancungmi pakhat a rung lang i rimhmui an khanghnak biakṭheng orhlei kamah khan a dir. 12Amah cu Zekhariah nih khan a hmuh tikah a lau i a thin a phang. 13Sihmanhsehlaw vancungmi nih cun a thawh i, “Zekhariah, na thinphang hlah! Pathian nih na thlacamnak kha a theih i na nupi Elizabeth nih fapa an hrinpiak lai. A min ah Johan na sak lai. 14Amah cu a chuah tikah naa lawm hringhran lai i midang tampi zong an i lawm ngaingai ve lai. 15Zeicahtiah amah cu Bawipa hmaiah mi ngan a si lai. Zu siseh, zureu siseh, zeihmanh a ding lai lo. A chuahka hrimhrim in Thiang Thlarau in a khat lai; * 16Israel mi mi tampi kha Bawipa an Pathian sinah a kirpi ṭhan hna lai. 17Amah cu Pathian thlahmi lamkaltu a si lai i profet Elijah bantukin a fekmi le a ṭhawngmi a si lai. Pale hna le fale hna kha hmunkhat ah a fonh ṭhan hna lai i nawl a ngai lomi hna kha miding mi hna ruahnak lam leiah a hruai ṭhan hna lai. Bawipa mi hna cu Bawipa ca i aa tlakmi minung si awkah a rak timh hna lai,” tiah a ti. *

18Zekhariah nih vancungmi cu a thawh i, “Cucu a si kho lai tiah zeitindah ka zumh khawh lai? Zeicahtiah kei cu ka tar cang i ka nupi zong a tar ve fawn,” tiah a ti. 19Vancungmi nih cun a leh i, “Kei cu Gabriel, hi thawngṭha nangmah chimh awkah a ka thlahtu Pathian hmai i a dirmi cu ka si. * 20Ka bia cu na ka zum lo, asinain a caan a phak tikah cun a tling ṭhiamṭhiam te ko lai. Na zumh lo caah holh kho loin na um lai i kan chimhmi thil kha a tlin ni a phak hlantiang bia pakhat hmanh na chim kho lai lo,” tiah a ti.

21Cu chung cu zapi nih khan Zekhariah cu an rak hngah ko i zeicahdah Biakinn chungah cu cancan cu a rauh hnga, tiah an khuaruah a har. 22A hung chuah tikah a chawn kho hna lo — cucaah Biakinn chungah langhnak a hmu ti kha an hngalh. A kut in hmelchunhnak kha a tuah i cuticun a chawnh hna, bia pakhat hmanh a chim kho lo.

23Biakinn chung i a rianṭuannak caan kha a dih tikah Zekhariah cu inn ah a ṭin. 24Cu hnu tlawmpal ah cun a nupi Elizabeth cu nau kha a hun pawi i thla nga chung leng chuak loin a um. 25A thawh i, “Atu cu a donghnak ah Bawipa nih hi tlukin maw a ka bawmh! Zapi hmai i ka ningzahnak cu a ka lakpiak cang,” tiah a ti.

Jesuh Hrinnak Kong

26Elizabeth pumlawnglo in a um thla ruknak ah, Pathian nih vancungmi Gabriel cu Galilee ram khua pakhat Nazareth timi ah cun a thlah. 27Siangpahrang David hrinsor a simipa Josef an timi he kan i ṭhi lai tiah bia aa kammi ngaknu kha bia na va chimh lai tiah a fial. Cu ngaknu cu a min ah Mary a si. * 28Vancungmi kha a sinah cun a ra i. “Na cungah daihnak um ko seh. Bawipa cu na sinah a um i thluachuahnak tam piin an pek,” tiah a ti. 29Vancungmi bia kha a theih tikah Mary cu a lau ngaingai i a bia kha a sullam zeidah a si hnga tiah a khuaruah a har. 30Vancungmi nih cun a thawh i, “Mary, na thinphang hlah. Zeicahtiah Pathian nih nangmah cu vel an ngeih. 31Nau na pawi lai i fapa na hrin lai i a min ah Jesuh na sak lai. * 32Amah cu milian mingan a si lai i Cungnung Bik Pathian fapa tiah ti a si lai. Amah a hringsortu Siangpahrang David bawiṭhutdan kha Pathian nih amah cu a pek i * 33Jakob tefa hna siangpahrang zungzal in a si lai, a pennak cu zeitikhmanh ah a dong lai lo,” tiah a ti.

34Mary nih vancungmi cu a thawh i, “Ngaknu thiang ka si ṭung, zeitindah hihi cu a si khawh lai?” tiah a ti. 35Vancungmi nih cun a leh i, “Thiang Thlarau kha na cungah a phan lai i Pathian ṭhawnnak cu na cungah aa fu lai. Hi ruangah hin a thiangmi fa cu Pathian Fapa tiah ti a si lai. 36Hi hleiah na rualchan Elizabeth kha a tar leiah fa a pawi i a cing ti i rak ti tawnmi kha atu hi a thla ruknak a si cang, 37zeicahtiah Pathian nih a tuah khawh lomi thil zeihmanh a um lo,” tiah a ti. *

38Mary nih a thawh i, “Kei cu Bawipa salnu ka si ko, na chim bang cun ka cungah si ko seh,” tiah a ti i vancungmi nih cun a kaltak.

Mary Cu Elizabeth A Tlawng

39Cu hnu tlawmpal ah Mary cu aa tim i Judah tlangram i a ummi khua pakhat ah khan khulrang in a hung kal. 40Zekhariah inn ah khan a vung lut i Elizabeth cu a vun biak. 41Elizabeth nih Mary i a vun chawnhnak bia kha a theih tikah a paw chung i a fate cu a rak cawl. Elizabeth cu Thiang Thlarau in a khat i, 42aw thangpi in, “Nangmah cu nu vialte lakah thluachuak bik nu na si. Na hrin laimi na fa zong hi fa thluachuak a si. 43Zeicahdah ka Bawipa nu nih hin kei tehna hi na hung ka tlawn? 44Na ka biakchawnhnak ka theih cangka khan pei ka chung i ka fate cu lunglawmhnak in aa hlawh len cu. 45Bawipa bia na sinah a rami kha a tling taktak lai ti zumh cu na caah lunglawmh awk a va si hringhran dah,” tiah a ti.

Mary Sakmi Thangṭhatnak Hla

46Mary nih aa thawh i:

47I lawm tuah, ka nunnak, 48A salnu hi hi tluk minauta 49Bawipa, a ṭhawngmi Pathian nih 50Amah a ṭihmi vialte kha 51A ṭhawngmi a ban kha a samh i 52Siangpahrang ṭhawngṭhawng kha 53Rawl a ṭammi kha thil ṭhaṭha in 54Kan pupa hna sinah a rak sermi 55Abraham le a tefa vialte hna sinah

56Mary cu thla thum tluk Elizabeth sinah khan a um i cun inn ah a tlung ṭhan.

Tipil Petu Johan Hrinnak Kong

57Elizabeth cu a nithla a hung tling i fapate a hrin. 58Bawipa cu zeitluk in dah a cungah a ṭhat ti kha a innpa hna le a rualchan hna nih an theih tikah amah tluk te cun an dihlak in an i lawm.

59Ngakchiate cu zarh khat a hung ti ah khin a cuarpar tan awkah an kalpi; annih nih a pa min Zekhariah in kan auh lai, tiah an ti. * 60Sihmanhsehlaw a nu nih khan, “Asilo, a min cu Johan a si lai,” tiah a ti. 61Annih nih amah cu an thawh i, “Nan sahlawh nan rualchan lakah cu min a ngeimi pakhat hmanh an um ṭung lo,” tiah an ti. 62Cun a pa kha kut zaoh in an chawnh i ngakchiapa kha a min zeidah sak na duh, tiah an hal. 63Zekhariah nih cun caṭialnak catlap a hal hna i, “A min cu Johan a si,” tiah a ṭial. 64Cu cangka cun Zekhariah cu a holh kho ṭhan i Pathian kha a hun thangṭhat. 65A innpa hna cu an khuaruah a har i hi thil kong cu Judea ram tlang cung vialte ah khan a thang dih. 66A theimi paoh kha an lung a suk hna i. “Hi fa hi zei ko dah a can te lai?” tiah an ti cio. Zeicahtiah Bawipa ṭhawnnak cu a cung i a um kha a fiang ko.

Zekhariah Chimmi Bia

67A pa Zekhariah cu Thiang Thlarau in a khat i, Pathian bia kha a chim:

68“Bawipa, Israel Pathian cu thangṭhat u sih. 69Kan caah a ṭhawngmi Khamhtu kha 70Hlanliopi ah a profet thiang hna sinin, 71‘Kan ral hna kut chungin le 72Kan pupa hna cu, nan cungah 73-74Kan ral hna kut chungin 75cucu kan nunchung vialte, 76Nang, ka fa, nangmah hi 77A mi hna kha, nan sual ngaihthiam 78Zeicahtiah, kan Pathian cu 79Thihnak thladem mui lak i a ummi

80Ngakchia cu a hung ṭhang i thlarau in a ṭhawngmi a si; Israel mi zapi sinah a hun i langh hlantiang, thetse ram ah cun a um.

⇑

[Remove Footnotes]