CHANRELNAK PAKHATNAK

1 Chronicles

Biahmaiṭhi

Chanrelnak Cauk Pakhatnak le Pahnihnak hi Samuel cauk hna le Siangpahrang cauk hna chung i chim ciami chim ṭhannak bik kha a si ko, asinain zohning phun dang deuh in chim ṭhan an si. Chanrelnak cauk chung i Israel siangpahrang hna tuanbia an ṭial tik hna ah hin tinhmi pahnih a um:

1. Israel le Judah Pennak cu rawk cang ko hna hmanh seh law, Pathian nih cun bia a kamhmi hna kha a zulh ṭhiamṭhiam ko i cu tlinternak caah cun Judah ram chung i a ummi kha a hman hna lai. Cu bantukin a si lai ti ruahchannak caah cun a ṭialtu nih hin David kong le Solomon kong le Jehoshafat le Hezekiah le Josiah nih remh ṭhannak an tuahnak kong kha cherhchan ah a hman hna.

2. Jerusalem Biakinn ah zeitindah Pathian biaknak aa thawk ti kha a si. Cu biaknak ah rian a ṭuantu hna tlangbawi hna le Levi mi hna rian an i phawtning kha a si bik. Biakinn a hram a thawktu cu David a si i a satu cu Solomon a si.

Tlangpi Hna
Hringsortu pupa hna 1.19.44
Saul thihnak 10.1-14
David pennak 11.129.30
     a. Harnak a tonmi le teinak 11.122.1
     b. Biakinn sak timhtuahnak 22.229.30

1Chanrelnak 1

Adam Tefa Hna

(Gen 5.1-32)

1Adam, Seth, Enosh, 2Kenan, Mahalalel Jared, 3Enok, Methuselah, Lamek, 4Noah, Shem, Ham le Jafeth.

Noah Shem, Ham Tefa Hna

(Gen 10.1-32)

5Jafeth fapa hna: Gomer, Magog, Madai, Javan, Tubal, Meshek le Tiras. 6Gomer fapa hna: Ashkenaz, Rifath, le Togarmah. 7Javan fapa hna: Elishah, Tarshish, Kittim le Rodanim.

8Ham fapa hna: Kush, Izipt, Put le Kanaan. 9Kush fapa hna: Seba, Havilah, Sabtah, Raamah, le Sabteka. Raamah fapa hna: Sheba le Dedan. 10Kush cu Nimrod pa kha a si; amah cu vawlei cungah miṭhawng si hram aa thawk.

11Izipt cu Lud, Anam, Lehab, Naftuh, 12Pathrus, Kasluh (Filistin mi chuahkehnak) le Kaftor mi hna pa a si.

13Kanaan cu a hrin hmasa bik Sidon le Heth, 14le Jebus mi hna le Amor mi hna le Girgash mi hna le 15Hiv mi hna le Arki mi hna le Sin mi hna le 16Arvad mi hna le Zemari mi hna le Hamath mi hna pa a si.

17Shem fapa hna: Elam, Asshur, Arpakshad, Lud, Aram, Uz, Hul, Gether le Meshek. 18Arpakshad cu Shelah pa a si i Shelah cu Eber pa a si. 19Eber nih cun fapa pahnih a hrin hna: pakhat min cu Peleg a si (zeitintiah amah chan ah vawleicung mi kha an i ṭhen), cun a unau min cu Joktan a si. 20Joktan cu Almodad, Shelef, Hazarmaveth, Jerah, 21Hadoram, Uzal, Diklah, 22Ebal, Abimael, Sheba, 23Ofir, Havilah le Jobab pa a si, mah hna vialte hi Joktan fapa an si.

Shem Tefa Hna

(Gen 11.10-26)

24Shem in Abraham tiang: Shem, Arpakshad, Shelah; 25Eber, Peleg, Re-u, 26Serug, Nahor, Terah le 27Abram (mah cucu Abraham a si).

Ishmael le Keturah Tefa Hna

(Gen 25.1-6, 12-18)

28Abraham fapa hna: Isak le Ishmael. 29Mah hihi an ciruang an si: Ishmael fater cu Nebaioth; cun Kedar, Adbeel, Mibsam, 30Mishma, Dumah, Massa, Hadad, Tema, 31Jetur, Nafish le Kedemah. Mah hna hi Ishmael fapa an si. 32Abraham nuchun Keturah fapa hna: amah nih cun Zimran, Jokshan, Medan, Midian, Ishbak le Shuah a hrin hna. Jokshan fapa hna: Sheba le Dedan. 33Midian fapa hna: Ephah, Efer, Hanok, Abida le Eldaah. Mah vialte hi Keturah hrinthlak an si.

Esau Tefa Hna

(Gen 36.1-43)

34Abraham cu Isak pa a si. Isak fapa hna cu: Esau le Israel. 35Esau fapa hna: Elifaz, Reuel, Jeush, Jalam le Korah. 36Elifaz fapa hna: Teman, Omar, Zefi, Gatam, Kenaz, Timna le Amalek. 37Reuel fapa hna: Nahath, Zerah, Shammah le Mizzah.

38Seir fapa hna: Lotan, Shobal, Zibeon, Anah, Dishon, Ezer le Dishan. 39Lotan fapa hna: Hori le Homam; cun Lotan far cu Timna a si. 40Shobal fapa hna: Alian, Manahath, Ebal, Shefi le Onam. Zibeon fapa hna: Aiah le Anah. 41Anah fapa hna: Dishon. Dishon fapa hna: Hamran, Eshban, Ithran le Kheran. 42Ezer fapa hna: Bilhan, Zaavan le Jaakan. Dishan fapa hna: Uz le Aran.

43Israel mi hna cungah siangpahrang ahohmanh an um hlanah mah hna hi Edom ram a rak pengtu siangpahrang cu an si: Beor fapa Bela, amah a khua min cu Dinhabah a si. 44Bela a thih tikah, Bozrah khuami Zerah i a fapa Jobab cu amah hmun ah khan a hung bawi. 45Jobab cu a thih tikah, Teman mi hna ram mi Husham kha amah hmun ah cun a hung bawi. 46Husham kha a thih tikah, Moab ram chung i Midian mi hna a teitu Bedad i a fapa Hadad kha amah hmun ah cun a hung bawi i a khualipi min cu Avith a si. 47Hadad cu a thih tikah, Masrekah mi Samlah kha amah hmun ah cun a hung bawi. 48Samlah cu a thih tikah, Zufrates tiva kam i a ummi Rehoboth khuami Shaul kha amah hmun ah cun bawi a cang. 49Shaul cu a thih tikah, Akhbor fapa Baalhanan kha amah hmun ah cun a bawi. 50Baalhanan a thih tikah amah hmun ah khan Hadad cu a hung bawi i a khualipi min cu Pai a si i a nupi min cu Mehetabel a si, amah cu Matred fanu a si, Matred cu Mezahab fanu a si. 51Cun Hadad cu a thi.

Edom bawi hna cu: Timna bawi, Aliah bawi, Jetheth bawi 52Oholibamah bawi, Elah bawi, Pinon bawi, 53Kenaz bawi, Teman bawi, Mibzar bawi, 54Magdiel bawi, le Iram bawi an si; mah hna hi Edom bawi cu an si.

⇑

[Remove Footnotes]