SAMUEL PAHNIHNAK

2 Samuel

Biahmaiṭhi

Samuel Pahnihnak hi Samuel Pakhatnak peh kha a si. David kha Judah mi cungah bawi a hung si i (dal 1 in 4 tiang) cu hnuah cun Israel mi cung zongah khan a hung si (dal 5 in 24 tiang). David nih a bawiṭhutdan fehter awk caah khan ram chung ral si hna seh, ram leng ral si hna seh, a hloh dih hna. David cu Pathian a zum ngaingai i a tlaihchan ngaingaimi a si, cun a mi nih an i bochan ngaingaimi a si fawn. Asinain voi khat voi hnih cu amah duhnak cang ah cun thlachiat ruat lo ngaimi a si tawn. Asinain Pathian profet Nathan nih a chimhhrin tikah a sualnak kha aa ngaichih.

David thil ti khawhnak kha Israel mi hna lung chungah hin a um tuk caah, Israel mi nih harnak le sunghnak an in tik paoh ah, David kha an ngai i “David fapa” a chuak te lai i a pa David bantuk a si te lai, ti kha an i ruahchan.

Tlangpi hna
David nih Judah a uk 1.14.12
David nih Israel a uk 5.124.25
     a. A thawkter kum hna 5.110.19
     b. David le Bathsheba 1.112.25
     c. Harnak le awlokchonnak 12.2620.26
     d. A donghlei kum hna 21.124.25

2Samuel 1

David Nih Saul Thihnak Kong A Theih

1Saul thih hnu i David nih Amalek mi a thah hnanak in a hung kir tikah, David cu Ziklag ah ni hnih a cam; 2cun a ni thumnak ni ah Saul riahhmun in mipa pakhat, a puan tlek le a lu ah leidip i phulh in a ra. Cun David sin kha a phak tikah vawlei ah a bawk i upatnak kha a tuah. 3David nih amah cu, “Khuazei in dah na rat?” tiah a ti. Cun anih nih, “Israel mi hna riahhmun in ka ra zam,” tiah a ti. 4Cun David nih amah cu a thawh i, “Zeitindah a si? Ka chim tuah,” tiah a ti. Cun anih nih a leh i, “Mi hna nih raltuknak hmun khan an zam i mi tampi cu an tlu i an thi; cun Saul le a fapa Jonathan zong an thi,” tiah a ti. 5Cun David nih amah a hung chimtupa tlangval sinah cun, “Zeitindah Saul le a fapa Jonathan cu an thi, tiah na hngalh?” tiah a ti. 6Cun amah a chimtu tlangval nih khan, “Zeitimaw in Gilboa tlang ah khan ka rak um ngelcel i, khika ah khan Saul cu a fei kha i rinhchan in a rak dir i zohhmanh, rangleng le rangcung ralkap hna nih khan an naih chin cuahmah cang. * 7Cun a hnulei kha a hei zoh tikah a ka hmuh i a ka auh. Cun kei nih ka leh i, ‘Hika ah hin ka um,’ ka ti. 8Cun anih nih keimah cu, ‘Ahodah na si?’ tiah a ka ti i, ‘Amalek mi ka si,’ tiah ka leh. 9Cun anih nih keimah cu, ‘Ka pawngah dir law ka that tuah; zeitintiah vansang auhnak nih a ka tlaih cang, asinain ka nung rih ṭung,’ tiah a ka ti. 10Cucaah a pawngah cun ka dir i ka thah, zeicahtiah a tluk cang hnuah khan cun a nung kho bal ti lai lo ti kha ka hngalh; cun a lu i a ummi bawi luchin le a baan i aa khihmi ban hrolh cu ka lak hna i hika ah ka bawipa sinah ka rak put hna,” tiah a ti.

11Khi tikah David nih a thilpuan kha aa tlaih riangmang hna i a thleh hna i cu bantukin amah sin i a ummi vialte nih khan an tuah ve; 12Saul le a fapa Jonathan le Bawipa mi hna le Israel innchungkhar hna kha vainam in an thih caah, mithi cu an ngai, an ṭah hna i zanlei tiang rawl an ul. 13Cun David nih amah a chimtu tlangval sinah cun, “Khuazei in dah na rat?” tiah a ti. Cun anih nih “Kei cu Amalek mi, mipem fa ka si,” tiah a leh. 14David nih amah cu, “Zeitindah a si e, nangmah nih Bawipa chiti thuhmi hrawh awk i na kut zao na ṭih lo cu?” tiah a ti. 15Khi tikah David nih tlangval pakhat kha a auh i, “Va kal law, va that,” tiah a ti. Cun a tuk i a thi. 16Cun David nih amah cu, “Na thi cu nangmah lu cungah va um ko seh; zeitintiah nangmah kaa hrimhrim nih, ‘ Bawipa chiti thuhmi cu ka thah,’ tiin nangmah cung i biahngaltu a si,” tiah a ti.

David Nih Saul le Jonathan A Ṭah Hna

17Cun David nih Saul le a fapa Jonathan kha hi ṭah hla hi a lawh hna i 18Judah mi kha mah hihi cawnpiak awk an si lai, tiah a ti; zohhmanh, Jashar Cauk chungah aa ṭial. Amah nih a thawh i: *

19Maw Israel, na sunparnak cu, 20Gath khua ah va thanh hlah u, 21Gilboa tlang hna, nan cungah ruah sur hlah seh, 22Jonathan likuk cu mithahnak caah 23Saul le Jonathan, 24Maw Israel fanu hna, 25Ralkap miṭhawng hna cu 26Ka nau Jonathan, 27Ralkap ṭhawng hna cu an tlu cang,
⇑

[Remove Footnotes]