HOSEA

Hosea

Biahmaiṭhi

Profet Hosea nih phung a rak chimnak hmun hi Chaklei Pennak chungah khan a si i profet Amos hlan, Samaria a rawh kum B.C. 721 hlan deuh i hnahnawh lio ngai caan ah khan a rak si. Fak bik in a ruahmi cu Israel mi nih siasal an biak le Pathian sinah zumhawktlak loin khua an sak kha a si. Cu bantukin an um cu amah nih zumhawktlak lomi nu nupi i a ṭhitmi he khan aa lo tiah a ti. A nupi Gomer cu amah Hosea cungah zumhawktlak loin khua a sak bantukin Israel mi nih an Bawipa Pathian cungah khan zumhawktlak loin khua an sa ve. Hi ruangah hin Israel mi nih biaceihnak an huah lai. Asinain a donghnak ah cun Pathian dawtnak fek kha teitu a si lai i Israel miphun cu amah leiah khan a hruai khawh ṭhan hna lai i an i pehtlaihnak kha hmasa bantuk a siter ṭhan lai, a ti. Hi dawtnak kong a chimnak cu 11:8 ah hin a si.

Tlangpi Hna
Hosea nupi ṭhitnak le chungkhar 1.1-35
Israel mi cungah chimhhrinnak 4.113.16
Ngaihchihnak le biakamnak 14.1-9

Hosea 1

1Judah mi hna siangpahrang Uzziah, Jotham, Ahaz le Hezekiah le Israel mi hna siangpahrang Jeroboam, Jehoash fapa, an bawi lio caan i Beeri fapa Hosea sinah Bawipa bia a rami: *

Hosea Nupi

2 Bawipa nih Hosea sinin Israel sinah a hmasa bik bia a chim tikah, Bawipa nih amah cu a thawh i, “Va kal law mizuangzamnu kha va ṭhi law cu mizuangzamnu he cun fa va ngei u; zeicahtiah hi ram hi Bawipa sinah zumhawktlak loin a um caah mizuangzamnu bantuk a si cang,” tiah a ti. 3Cucaah cun a kal i zeihmanh a ṭhahnem lomi nu Gomer kha a va ṭhit; cun fa a pawi i fapa a hrinpiak. 4Cun Bawipa nih a thawh i,

5Khi ni ah Israel likuk cu Jezreel

6Fa a pawi ṭhan i fanu a hrin i Bawipa nih a thawh i,

7Sihmanhsehlaw Judah cu ka dawt lai i ka khamh lai. Li in siseh, vainam in siseh, ral hriamnam in siseh, rangtum in siseh, rangcung ralkap in siseh, ka khamh hna lai lo, sihmanhsehlaw Bawipa an Pathian in ka khamh hna lai.

8,9 Lo-ruhamah cu hnuk a thlei dih in fa a pawi ṭhan i fapa a hrin; cun Bawipa nih a thawh i,

10Sihmanhsehlaw Israel mi hna cu rili thetse bantukin rel cawk lo an si lai, tah cawk zong an si lai lo, rel cawk zong an si lai lo; annih cu “Ka mi an si lo,” ti an si ti lai lo i sihmanhsehlaw “A Nungmi Pathian Fa,” titu an si cang lai. * 11Cun Judah mi le Israel mi hna cu hmunkhat ah fonh an si lai i anmahte nih hruaitu pakhat kha an i thim lai, cun annih nih ram kha an co lai, Jezreel ni cu a lianngan lai.

⇑

[Remove Footnotes]