Isaiah 23

Foinisia Lawng Dinhnak Kha Bawipa Nih A Hrawh Lai

1Hi bia hi Tair kong bia a si. Rili cungah lawng in a kalmi hna, ṭap tuah u. Nan lawng dinhnak khua Tair khua cu a rawk cang; a inn vialte le a lawng dinhnak hmun hna cu an rawk cang. Nan lawng cu Saipras in an kir tikah cu thawng cu nan theih lai. * 2Sidon chawdawr hna, ṭap tuah u. 3Izipt ram in a chuakmi rawl kha cawk awk le ram dangdang hna he chaw i cawk le i zuarh awkah, nan lawng cu rili cungah nan thlah hna. 4Sidon khualipi, ningzahnak na phan cang! Rilite rilipi hna nih khan an in hlawt i, “Fa kan rak ngei bal lo. Fapa zong fanu zong kan cawm bal hna lo,” an ti.

5Tair a rawk cang ti kha an theih tikah Izipt mi hmanh an lau lai i an khuaruah a har lai.

6Ngaihchia in ṭap tuah u, Foinisia mi hna. Spain ram ah zam i zuam tuah u. 7Hlanpi in a rak ummi lunglawmhnak khua Tair khua kha hihi maw a si ko? Ram thar va tlak awkah rili ralmi a thlah tawntu hna kha, mah hi maw a si ko? 8Siangpahrang khua, a mirum hna vawlei cung i hmaizah bikmi a simi hna khua Tair khua i hi thil vialte a tluntertu hi ahodah a si? 9Ralkapbu Bawipa a si! An tuahmi an i porhlawtnak kha donghter awkah le upatmi an mi hna kha ningzahnak ah phakter awkah Bawipa nih hi thil hi a tuah.

10Kal u law lo va thlo u, Spain ram chung ram thar i a ummi hna. Ahohmanh nanmah hupphengtu ding an um ti lo. * 11 Bawipa nih rili cungah a kut a samh cang i pennak kha a hrawh cang hna. Foinisia ram chawleh chawhrawlnak hmun kha hrawh awkah nawlbia a chuah cang. 12Sidon khualipi, na lunglawmhnak cu a dih cang. Na mi cu hrem an si cang i Saipras tikulh i an zam hmanh ah, cuka zongah cun an him ṭhiamṭhiam lai lo.

13(Tair ram cu saram nih an hrawh, cu a hrawhtertu cu Assiria a si lo, Babilon tu kha a si. Tair khua cu kulhnak chuntlung a serhnawh i a ralhau vialte a chim dih i a hrawk dihtu cu Babilon a si.) *

14Rili cung i lawng in khual a tlawngmi hna, ngaihchia in ṭap ko u. Nan i bochanmi khuapi kha a rawk cang.

15Tair cu kum sawm sarih chung philh a si caan a phan lai, kum sawm sarih cu siangpahrang chan chan khat a si. Cu kum cu a dih tikah Tair cu hla i a cuangmi hlawhhlangnu bantuk a si lai. Cu hla cu hihi a si:

16Na tingtang kha i lak law khua

17Kum sawm sarih a dih tikah Bawipa nih Tair cu a rak ṭuan tawnmi a rian hlawhhlan rian ah khan a kirter ṭhan lai i vawlei cung ram dihlak ah khan a kal ṭhan lai. 18Chawleh chawhrawlnak in a hmuhmi tangka cu Bawipa sinah a pek lai. A khong hna lai lo i a thup hna lai lo, sihmanhsehlaw Bawipa a biami hna nih a tangka cu an herhmi rawl le thilpuan cawknak ah an hman lai.

⇑

[Remove Footnotes]