Job 42

Job Nih Aa Phuannak le Pathian Nih A Cohlannak

1Khi tikah Job nih Bawipa cu 2“Nangmah nih zeizong vialte 3Sihmanhsehlaw ka hngalh lomi 4‘Ngai law ka chim lai, 5Hna theihnak lawngin nangmah cu 6Cucaah keimah le keimah cu

7 Bawipa nih Job sinah bia a chim dih tikah, Teman mi Elifaz kha a thawh i “Nangmah le na hawile pahnih cungah ka thin a hung, zeicahtiah ka kong kha nan chim awk hnga bangin ka sal Job nih a chim bantukin nan chim lo. 8Cucaah cawtum pasarih le tuukawng pasarih in i lak hna u law ka sal Job sinah va kal u law nan caah khangh thawinak va pechan u; cun ka sal Job nih thla an campiak hna lai, zeicahtiah ka sal Job nih ka kong ah a dikmi bia a chim bantukin nannih nih nan chim lo ruangah nan hruhnak bantukin nan cungah ka tuah nakhnga lo amah thlacamnak cu ka cohlan lai,” tiah a ti. 9Cucaah Teman mi Elifaz le Shuh mi Bildad le Naamath mi Zofar cu an kal i Bawipa nih a chimhmi hna cu an tuah i Bawipa nih Job thlacamnak cu a cohlan. 10Cucaah Bawipa nih Job cu a vanṭhatnak kha a pek ṭhan i a ngeihmi kha a let hnih in a pek ṭhan. *

Job Cu A Rum Ṭhan

11Cun a sinah cun a unau vialte le a farle vialte le hlanlio i amah theihhngalh a rak simi vialte kha an ra i a inn ah cun amah he khan rawl an ei ṭi; cun a cung i Bawipa nih ṭhat lonak a tluntermi vialte ruangah khan annih nih amah cu an hramh i an hnemh; cun tuu pakhat le sui kutdonghrolh pakhat cio an pek. 12Cun Bawipa nih Job cu a chan a donghlei kha a thawk lei nakkhan thluachuahnak tam deuh in a pek i tuu thong hleili, kalauk thong ruk, cawtum tuah thong khat le laapi thong khat a ngei. 13Fapa pasarih le fanu pathum zong a ngeih hna. 14Cun upa bik nu cu Jemimah, pahnihnak cu Keziah, a pathumnak cu Kerenhappuk tiah min a sak hna. 15Vawlei cung dihlak ah Job fanu tlukin aa dawhmi nu an um lo i an pa nih khan an ṭale sinah ro a pek ve hna. 16Cun hi hnuah hin Job cu kum za khat le kum sawm li a nung i a fapa hna le a fapa hna i fapa hna kha a hmuh hna, chan li tiang. 17Cun Job cu tar ngaiin, chan tling cikcek in a nung i a thi.

⇑

[Remove Footnotes]