HEBREWTE

Tung Laithak (The Letter to the Hebrews)

Thupatna

Tapidaw pawlkhatte sia langpanna thuak va-ial a, a upna uh thasua dektak ahikom Hebrewte tungah hi laithak at hi. Lai atpa in, Jesu Christ sia Pathian hong kilakna a khakbel le a maanbel sia hi ci in a upna uh a thupi belin lakin hanthawn hi. Tabang a hanthotna ah thumaan nam thum son hi: (1) Jesu sia a nungta tawntung Pathian Tapa hi a, ama in a thuaknate tungtawn in Pa ii tungah thunitna maan a sin pa ahi hi. Pathian Tapa a hina taw Jesu sia Thuciam Lui sungah kamsangte vantung lalangte le Moses mama sangin lian zaw hi. (2) Pathian in Jesu sia a tawntung a kip thiampi hi a, Thuciam Lui sungah thiampite sangin lianzaw hi, ci in son hi. (3) Jesu hangin, mawna, launa le thina panin, thu um mihingte kihun hi; Jesu in Thiampi Saang ahikom, ngupna a maan tatak a nga sak pa hi a, Hebrew mite zeksa ngeina a tatuamte le nganno sangaw biakpiaknate in, ama pianzia tute, a lim in a lakkhol bek ahi hi.

Isreal mite tangthu sungah mihing minthang pawlkhatte ii tangthu (alian 11) taw upna huvau lak a, lai atpa in lai a simte ii thumaan natu ngen hi. A lian 12 na ah laisimte in a tawp dongin thumaan natu, Jesu mitsuan in vawtsiatna le thuakna nanamte thuak kenkon zawk natu hanthawn hi. Laibu sia ngaisutna pha piakna le kidop natu hilna taw khup hi.

A kihel Thulute

Thupatna: Christ sia Pathian ii a kicing hong lakna hi. 1:1-3
Vantung lalangte sangin Christ a let zawkna 1:4-2:18
Moses le Joshua sangin Christ a let zawkna 3:1-4:13
Christ ii thiampi a hina sia a thupi zawkna 4:14-7:28
Christ ii thuciamna a thupi zawkna 8:1-9:22
Christ ii a kipiakna a thupi zawkna 9:23-10:39
Upna a thupi maksakna 11:1-12:29
Pathian lungkim sakna 13:1-19
Thukhup thungetna 13:20-21
A khakbel kammalte 13:22-25

Hebrewte 1

A Tapa tungtawn in a kison Pathian Kammal

1A bo sa hunin, Pathian in ih pute ih pate tungah kamsangte tungtawn in, lam tatuam taw tamvei ma paupui hi, 2ahihang hi hun khakbel hunte ah, a Tapa tungtawnin hong paupui hi. Ama tungtawnin Pathian in lei le van bitphua a, a khakbel ciangin na theampo ama neisa suak sak siat tu in Pathian in ama teal hi. 3Ama in Pathian minthanna vaangtaang sia hong leng sak kik a, ama sia Pathian ii zia bang tatak hi in, lei le van sia ama ii a vaang nei a kammal taw kip sak hi. Mihingte ii maw mai natu in a sepna a zaw zawkciang vantung ah Vaanglianpipa Pathian ii ziatsang ah to hi.

Pathian Tapa ii Letna

4Ama tungah Pathian piak min sia vantung lalangte min sangin lianzaw ahi bangma in, Tapa sia vantung lalangte sangin lian zaw hi. 5Banghangziam cile Pathian in vantung lalangte khat po tungah,

6Ahihang Pathian in a Tapa upabel leitung ah a paisak tu ciangin, 7Ahihang Pathian in vantung lalangte huvau ahile, 8Tapa huvau ahile Pathian in: 9A maan thute na dei a, a maan ngawl thute na ngaimaw hi. 10Ama in a ci laina panin, 11Tuate mangthang tu a, ahihang nang na kip tu hi; 12Amate laktong puasilh bangin na thep tu a, 13Pathian in a vantung lalangte khat po ii tungah:

14Tua ahile vantung lalangte sia bang ziam? Amate sia Pathian naseam thaa te hi a, ngupna a saang tute a hu tu in, a sawlte ahi uh hi.

⇑

[Remove Footnotes]