Hebrewte 2

A lian Ngupna

1Tua hu in ei in thumaan thu ih zaak te pan, lam ih pial ngawl natu in ih kholet seseam kul hi. 2Vantung lalangte in ih pute ih pate tungah a thupiakte maan hi ci in kilak hi, taciang a zui ngawl a ni ngawl khat papo sia ama taw a kiphu daan, thuak tu hi. 3Tua hi a, hi zata in a lian ngupna thudon ba thong leang bang bangin suakta tu hi ziam? Topa ama mama in hi ngupna thang sak masa a, taciangin a zate in ei tung ah tua thu a maanna hong lak zo hi. 4Tua kawmkaal ah Pathian in na lamdang laknate, a tumdang tatuamte, vawtna le, Thaa Thiangtho letsong te a dei bangin a hawm sakna taw, amate tetti panna tungah tetti pang thua hi.

Ngupna Nga natu Lampuipa

5Pathian in vantung lalangte, hong pai tu leitung thak, ih son leitung sia uk tu in a koi bua hi. 6Tua hi ngawl zaw in Laithiangtho mun khat ah:

7Tawmvei hun khat sung teng vantung lalangte sangin 8taciang na theampo tungah a uk tu in vawt hi;” ci hi.
Pathian in mihing sia “na theampo a uk tu” in vawt hi. Hi thu in na theampo huam siat hi. Ahihang tu laitak hunin, mihing in na theampo uk hi, ci in ih mu bua hi. 9Ahihang Pathian thuthiamna tungtawn in, mihing theampo atu a thi tu in, tawmvei hunsung teng vantung lalangte sangin a niamzaw in a kivawt Jesu sia ih mu hi. Thina a thuak hu in tu in minthanna le upatna lukhu a khuh ih mu hi. 10Tapa tam mama in ama vaangletna a siim thei natu in, na theampo bitphua in a keam Pathian in, Jesu sia a thuakna tungtawn in a cialcing pa a sua sak tu sia a maan thu hi takpi hi. Banghangziam cile amate ngupna sung a then sia Jesu ahi hi.

11Ama in mihingte sia a khialna uh panin, thiansua a, taciang ama le tabangin a kithiansua sa theampote in, a kibang Pa a nei uh hi. Tua hu in Jesu in, amate sia suapui a nah tu in, a mai a zum bua hi. 12Ama in Pathian munah,

13Ama in, “Ka muanna sia Pathian tungah ka nga tu hi,” ci hi. Taciang, “Hi sungah Pathian hong piak tanote taw ka om hi,” zongh ci lai hi. *

14Ama ci bangin tua tanote sia chi le sa taw a om mihingte ahi bangma, Jesu ama mama zongh amate bang hong suak a, amate mihing pianzia teng hong siim hi. Hi bang a hina sia banghangziam cile ama thina tungtawn in thina ii tungah vaangletna a nei doaimangpa a lalcip sak natu hi a, 15thina a kiitak hangin a nuntak tawntung uh sila in a om mihingte hi bangin suakta sak hi. 16Banghangziam cile ama ii huna a piakte sia vantung lalangte hi ngawl hi ci in kitel thiang hi. Tua hi ngawl zaw in Laithiangtho ii son bangin, “Ama in Abraham ii suan le paalte a hu hi,” a ci bang hi zaw hi. 17Hisia hu in ama in a suapuite taw na theampo sungah a kiban uh kul hi, banghangziam cile mihingte a mawna pan mawmai sakna kipiak thei natu in, Pathian na a sepna ah, a thumaan ngual a hesuak thei Thiampi Saang a sua natu ahi hi. 18Tu in ama in ze-etna a thuakte sia hu thei hi. Banghangziam cile ama mama zongh ki ze-et zo a, thuak ngei zo hi.

⇑

[Remove Footnotes]