Hebrewte 3

Jesu sia Moses sangin Lianzaw

1Pathian hong sap sa zongh ahi, ka suapui Tapidawte awng! Ih pualaak upna ii Thiampi Saang tu in, Pathian ii a sawlpa Jesu ngaisun vun. 2Pathian ii inn sungah Moses sia a nasepna a thumaan bangma in, ama in, naseam tu in a tealpa Pathian tungah thumaan hi. * 3Inn khat a sa pa in tua inn sangin upatna nga zaw hi. Tasia bangma in, Jesu sia Moses sangin vaang piakna lianzaw taw kiphu hi. 4Inn theampo a sa khat om a, ahizong Pathian in na theampo vawt hi. 5Moses sia Pathian inn sungah naseampa bangin, thumaan hi. Taciangin maisang a Pathian ii son tu thute ama in son hi. 6Ahihang Christ sia Pathian inn uk Tapa bangin thumaan hi. Eite in, ih lametnate sungah hanna le muanna ih kholet le ama inn ih hi hi.

Pathian Mihingte atu Tawlngakna Khat

7Tua ahikom Thaa Thiangtho ci bangin,

8senneal ngam sungah a om uh lai, Pathian a langpan lai, Pathian a ze-et uh hun lai a, 9Kum sawm li tawntung ka sep ka vawt teng amate in mu napi 10Tua ahikom tua mite tungah ka thin uuk a, hi bangin ka ci hi, 11‘Tawlngakna ka piak natu ngamah amate tum ngei ngawl tu hi!’

12Ka thu uppuite awng, a nungta Pathian kung panin, na lampial ngawl natu in, no sungah kuama peuma in ngitlona thinsung le up ngawlna thin na nei ngawl natu in na kidawm tavun. 13Laithiangtho sungah, "Tuni" a kici kammal sia a kizak thei lai teng mawna ii hong theam ngawl natu le na thin uh a sah ngawl natu in, khat le khat nisim in na kihu uh kul tu hi. 14Banghangziam cile a kipat pan thin muanna ih nei sia a tawp dongin ih kholet le ei theampo sia Christ taw a kikop ih hi hi.

15Hisia Laithiangtho ii ci ahi hi:

16Pathian aw za in ama a langpante a kuate ziam? Moses ii Egypt ngam panin a pusuapui theampo ahi hi. * 17Pathian sia kum sawm li tawntung a kuate ii tungah thin uuk ziam? Senneal ngam sungah puk a, a thi mawneite tungah Pathian sia a thin uuk hi. 18Pathian in, “Amate tawlngakna ka piak natu ngamah amate a tum ngei batu uh hi,” ci in Pathian ii a ciiliap huai kamciam a piakte— akua pia ziam? Ama a langpante ahi hi. 19Amate in tua ngam sungah tum thei ngawl hi, banghangziam cile amate in um ngawl ahihang hi ci in ih mu hi.

⇑

[Remove Footnotes]