Hebrewte 5

1Thiampi lian peuma sia a mipuite sung panin kiteal a, amate taangin sangaw biakna le mawna hang a piakna vawt tu in, Pathian naseam tu a, a kitavaw te ahi hi. 2Ama mama in tha neamna tatuam nei ahikom, thu tel ngawlte le khialna vawtte tungah ama in, a thin neam thei hi. 3Ama mama thaneam ahikom, a mihingte atu bek hi ngawlin ama mawnate atu zongh sangaw biakpiakna a vawt kul hi. * 4Thiampi lianpa za sia ama le ama kiteal a, a kipia kuama om ngei ngawl hi. Aaron tungah a kipiak bangin— mihing khat sia Pathian ii samna bek taw thiampi saang kisuak sak hi. *

5Tasia bangma in Christ in ama le ama sia thiampi saang za a kipia bua hi. Pathian in ama munah, hi bangin ci zaw hi,

6Mundang khat ah a sonna panin,

7Leitung ah a nuntak lai in Jesu in thina pan a ngum thei tu, Pathian tungah, a thungetna le, dei ngetnate, a nging auna le thitui luanna taw ngen hi. Ama sia kiniam khiak a, Pathian deina a zuipa ahi hu in, Pathian in za hi. * 8Ama in Pathian Tapa ahihang, thuakna tungtawn in thu nitna sin hi. 9Ama sia a cingtaak a kisua sak zawkciang, ama thu a ni theampo atu in, tawntung ngupna ii naak suak hi. 10Pathian in ama sia Melchizedek pan a kilua susuk thiampi in saang hi.

Upna Nusiat huvau Kidop natu

11Hithu tungtaang son tu tam mama om hi. Ahihang no tungah son tel thei tu haksa hi. Banghangziam cile note in thu na tel hak mama uh hi. 12Note in sya nasep natu uh, hun tam ma om zo napi— Pathian thu kipat ciilna khat papo hil na kul lai uh hi. An tatak ne tu hi zo napi noai na neak uh kul lai hi. * 13Noai ne khat papo sia patang hi lai a, thumaan le thu maan ngawl sungah heak sa a nei ngawl laite na hi uh hi. 14Antak sia ulian sate atu hi a, amate in, sinna tungtawn in a pha le a sia khentel thei uh hi.

⇑

[Remove Footnotes]