Hebrewte 10

1Jewte Thukham sia kicing ngawl a, a tatak sia ii lim bang ahi zo bua hi; hong pai tu na phate ii pianzia a kician tak ngawl a puatham lim bek ahi hi. Tua sangaw biakpiakna zongh kum khat zawkciang kum khat a tawntung in kipia hi. Tua ahile hi sangaw biakpiakna tungtawnin, Thukham in, Pathian kung a theng tu in, mihingte sia bangbangin hong cialcing sak thei tu ziam? 2Pathian a bia mihingte sia a mawna panin, ki thiansua takpi hi le amate sia mawna taw kithasung nawn ngawl tu a, sangaw biakpiakna zongh, om nawn ngawl tu hi. 3Ahihang kum khat zawkciang kum khat sangaw biakpiaknate in, mihingte mawna phawk sak hi. 4Banghangziam cile khuitalte le kealtalte chi in mawnate a la keak zo bua hi.

5Hi thu hangin Christ sia leitung ah hong pai tu ciangin ama in Pathian tungah,

6Nang in biaktau tungah nganhing a ki pumhalte taw na lungkim bua a, 7Taciangin, ‘Thukham laibu sungah keima thu a ki at bangma in, Pathian awng, 8Ama in a masa in, “Nang in sangaw biakpiakna, piaknate le biaktau tung a mawnate laakkeak natu in, nganhing pumhalte dei le na dei bua a, na lung le a kim bua hi,” ci hi. Tua ahikom Pathian in sangaw biakpiaknate Thukham bangin kipia hi napi, tu a bangin na ci hi. 9Tua zawkciangin, ama in, “Pathian awng, na deina bang a seam tu in, hi sungah om khi hi,” ci hi. Tua ahikom Pathian in sangaw biakpiakna lui te phiat siat a, Christ ii kipum piak biakpiakna taw theak hi. 10Pathian dei bangin Christ in ngamta ahikom, ama ii tawntung atu khat vei a pumpi a kipiakna hu in eite mawna pan hong kithiansua hi.

11Jew thiampite khat simin, a nasep sia nisim in seam a, biakpiak sangaw na sia a kibangin pia tawntung hi; Ahihang hi sangaw biakpiakna in, mawnate a la keak zo bua hi. * 12Ahihang Christ in mawnate atu in, sangaw biakpiakna, khat bek pia a, tua biakpiakna sia a tawntung atu in, kimang thei hi, tua zawkciang in, ama sia Pathian ziatsang ah to hi. * 13A ngalte peang ngakna tokhum bangin a peang nuai ah Pathian ii a koi mateng, tua munah ngakin om hi. 14Tua ahiciang ama in khatvei biakpiakna taw mawna pan a kithiansuate, a tawntung atu in cialcing sak hi.

15Taciangin Thaa Thiangtho zongh in, ama ii tetti panna hong pia hi. Hi bangin ci masa hi,

16“Hisia maisang ah hong pai tu hun sungah

17Taciangin ama in, “Amate mawna le ngamtat phat ngawl nate ka ciamtee nawn batu hi” ci hi. * 18Tua ahikom ei hong kimai sak zawkciangin, mawnate laak keak natu piakna a kul nawn bua hi.

Pathian kung Zuan tawng

19Taciangin suapuite awng, Jesu thina hu in, Thiangtho Bel Mun ah ih tum natu in, suatakna a kicing takin ih nga hi. 20Ama in ama ii pumpi ahi kidalna puankhak sia pailet in— lampi thak, a nungta lampi khat hong hon sak hi. 21Pathian innpi a keam thiampi liankhat ih nei hi. 22Tua ahikom thintak taw Pathian kung neakin, upna maan le, mawna kithasunna pan, a kithiansua sa lungtang le tuithiang taw a kisil sa pumpi taw zuan tawng. * 23Ih pualaak sa lametna kholet tawng, banghangziam cile Pathian in, hong kamciam sate sia kholet tu hi, ci in ih muang ngam hi. 24Khat le khat kithinbot tawng, ki itna kilak in a pha ngamtatna nei tawng. 25Pawlkhatte bang hi ngawlin, eite zongh in kikhop zongsangna sia thasua ba tawng. Topa ni hong nai hi ci in, mu na hi uh ciangin, khat le khat ki hanthawn seseam zaw tawng.

26Banghangziam cile thumaan hong kiheak sak zawkciang, mawna ih vawt kaltang lai le, mawna mai sak natu, biakpiakna khat beak zongh om nawn ngawl hi. 27Hong pai pheang tu thukhenna le a kiitak huai Pathian a langpante a lalcip sak tu meikuang sia launa taw ngak a, ih om tu bek taang lai hi! *

28Moses thukham a paltan khat papo sia tetti nii ahibale a tamzaw in, a maw sak le, hesuakna om ngawlin kithi sak hi. * 29Tua ahile Pathian Tapa a zawngsak pa sia bang suak tu ziam? Mawna pan a, a thiansua Pathian thuciamna chisan a awlmaw ngawlte, thuthiamna Thaa a zawngsak te, bang tek suak tu ziam? Ngaisun vun, tabang mihing khat thuak tu daan sia bangza in lianzaw tu ziam! * 30Banghangziam cile, “Phu ka lam tu a, ka thuh kik tu hi,” a ci sia pa le, “Topa in amate thu a khen tu hi,” a ci sia pa zongh ih he hi. * 31A nungta Pathian khut sungah ih taaksuk tu sia bangza in lau huai ziam!

32A bo sa hun sungah note, bangbang hi kana nu ziam, phawk kik vun. Tua lai in, Pathian khuavak sia no tungah hong taan zawkciang, na tam mama na thuak ngei uh hi. Ahitazong na hanciamna ah, na lel bua uh hi. 33Note khat vevei ngual sungah hong kilang in, hong kivawtsia a, taciang hun dangte ah hi bang a, a kivawtsiatte pawm tu in, na kithoai uh hi. 34Thongtaakte na thuakpui uh a, na neisa theampo uh te hong kimat sak ciangin, tua supna sia lungdam takin na saang uh hi, banghangziam cile a tawntung a, a kikhomsuan tu, a phazaw na khat, nei nginge lai na hi uh sia na he uh hi. 35Tua ahiciang na thinletna uh thasua heak vun. Banghangziam cile tasia thaman lian mama taw hong kizom tu hi.

36Pathian deina bangin na ngamtat thei natu le, ama hong kamciamte na saan thei natu in, na thin na sau sak uh kul tu hi. 37Banghangziam cile Laithiangtho in,

38Bang po ahizong a thutang ka mite in, um tu a nungta tu hi: 39“Eite heak kik a, a mangthangte ih hi bua hi. Ei sia upna nei a, a kingumte ih hi hi,” ci hi.
⇑

[Remove Footnotes]