KHANG TANGTHU KHATNA

(The First Chronicles)

Thupatna

Khang Tangthu Masa le a Niina sia Samuel laibu le Kumpite tangthu bute sungah thu omte sonkikna veu hi a, ahihang muna tatuam tek pan ahi hi. Khang tangthu laibute sungah Israelte ii kumpi a neina thu a at ciang ngiimna nam nii nei hi.

(1) Israel kumpi ngam le Judah kumpi ngam in tuasiatna a thuak ta zongin Pathian in ama mite tungah a kamciamna sa sia kho sak veve hi. A mite tungah a kamciam a tangtut natu in Judah ngamah a teang a nungta lai mite tungtawn in naseam veve hi. Hi thu a maan tak a hina a kilangh sak natu in David le Solomon in na lian a sepnate, Jehoshaphat, Hezekiah, Josiah le Pathian tungah a thumaan mite in puaphatna tatuam a vawtte hi laibu at pa in en in siisan hi.

(2) Jerusalem khua Biakinn ah Pathian biakna a kipat ciilna thu, a tuanin, tua biakna ah naseam thiampite le Levite ii nasep hawmna zia a kison thiangna ahi hi. Solomon sia Biakinn sa pa ahitazong hi Biakinn le biak piakna ngeinate a panciil pa tatak sia David hi, ci in kison hi.

A kihel Thulute
Khangsimna 1:1-9:44
Saul ii thina 10:1-14
David ii ngam ukna 11:1-29:30
   a. Haksatna le zawnate 11:1-22:1
   b. Biakinn sak tu kinginna 22:2-29:30

1 Khang tangthu 1

Adam pan Abraham dong

(Pianciilna 5:1-32; 10:1-32; 11:10-26)

1Adam ii tapa Seth, Seth ii tapa Enosh, Enosh ii tapa Kenan, 2Kenan ii tapa Mahalalel, Mahalalel ii tapa Jared, 3Jared ii tapa Enoch, Enoch ii tapa Methuselah, Mathuselah ii tapa Lamech, 4Lamech ii tapa Noah ahi uh hi. Noah in tapa thum nei a Shem, Ham le Japheth te ahi uh hi.

5Japheth ii tapate sia Gomer, Magog, Madai, Javan, Tubal, Meshech le Tiras hi a— amate ii min a tap a suan a paalte ii pu le pate ahi uh hi. 6Gomer ii suan le paalte sia Ashkenaz, Riphath le Togarmah mite ahi uh hi. 7Javan ii suan le paalte sia Elishah, Spain, Cyprus le Rhodes mite ahi uh hi.

8Ham ii tapate sia Cush, Egypt, Libya le Canaante hi a— amate ii min a tap a suan a paalte ii pu le pate ahi uh hi. 9Cush ii suan le paalte sia Seba, Havilah, Sabtah, Raamah le Sabteca mite ahi uh hi. Raamah ii suan le paalte sia Sheba le Dedan mite ahi uh hi. ( 10 Cush in Nimrod a kici tapa khat nei in, Nimrod sia leitung ah a minthang ngual tungtuang masa bel ahi hi.) 11Egypt ii suan le paalte sia Lydia, Anam, Lehab, Naphtuh, 12Pathrus, Casluh le Crete mite ahi uh hi, (hite sia Philistine mite ii pianna pu le pate ahi uh hi). 13Canaan ii tapa lianbel Sidon le Heth te sia amate ii min a tap minamte ii pu le pate ahi uh hi. 14Canaan ii suan le paalte sia Jebus, Amor, Girgash, 15Hiv te, Ark te, Sin te, 16Arvad, Zemar le Hamath te zongh ahi uh hi.

17Shem ii tapate sia Elam, Asshur, Arpachshad, Lud, Aram, Uz, Hul, Gether le Meshekte hi uh a— amate ii min a tap a suan a paalte ii pu le pate ahi uh hi. 18Arpachshad sia Shelah ii pa hi a, Shelah sia Eber ii pa ahi hi. 19Eber in tapa nii nei in, khat pa ii min sia Peleg hi a, a khiakna sia ama khan in leitung mihingte kikhen tham siat hi cina hi a, a tapa dang khat ii min sia Joktan hi. 20Joktan ii suan le paalte sia Almodad, Sheleph, Hazarmaveth, Jerah, 21Hadoram, Uzal, Diklah, 22Ebal, Abimael, Sheba, 23Ophir, Havilah le Jobab mite ahi uh hi.

24Shem khang pan Abram khang ciang a suan le a paalte sia Shem, Arpachshad, Shelah, 25Eber, Pelag, Reu, 26Serug, Nahor, Terah le 27Abram (Abraham zongh kici) te ahi uh hi.

Ishmael ii Suan le Paalte

(Pianciilna 25:12-16)

28Abraham in tapa nii nei in, Isaac le Ishmael ahi uh hi. 29Ishmael ii tapate sia minam sawm le niite ii lutang suakin, Nebaioth (Ishmael ii ta lianbel panin), Kedar, Adbeel, Mibsam, 30Mishma, Dumah, Massa, Hadad, Tema, 31Jetur, Naphish le Kedemahte ahi uh hi.

32Abraham in a zino Keturah taw in tapa luk nei a: Zimran, Jokshan, Medan, Midian, Ishbak le Shuah ahi uh hi. Jokshan in tapa nii nei a: Sheba le Dedan ahi uh hi. 33Midian in tapa nga nei in: Ephah, Epher, Hanoch, Abida le Eldaah ahi uh hi.

Esau ii Suan le Paalte

(Genesis 36:1-19)

34Abraham ii tapa Isaac in tapa nii nei a, Esau le Jacob ahi uh hi. 35Esau ii tapate sia Eliphaz, Reuel, Jeush, Jalam le Korah hi uh hi. 36Eliphaz in a nuai a minamte ii pupi hong suak a, tuate sia Teman, Omar, Zephi, Gatam, Kenaz, Timna le Amalek ahi uh hi. 37Reuel sia Nahath, Zerah, Shammah le Mizzah minamte ii pupi suak hi.

Edom ngamah A teang ciilte

(Pianciilna 36:20-30)

38-42Edom ah a teang ciilte sia a nuai a Seir ii tapate ii suan le paalte ahi uh hi.

Lotan sia Hori le Homam be le phungte ii pianna pu hi. (Lotan in suapui numei Timna nei hi)

Shobal sia Alvan, Manahath, Ebal, Shephi le Onam be le phungte ii pianna pu hi.

Zibeon in tapa nii nei a, Aiah le Anah ahi uh hi. Anah sia Dishon ii pa hi a, Dishon sia Hamran, Eshban, Ithran le Cheran be le phungte ii pianna pu hi.

Ezer sia Bilhan, Zaavan le Jaakan bete ii pianna pu hi.

Dishan sia Uz le Aran be le phungte ii pianna pu hi.

Edom Kumpite

(Pianciilna 36:31-43)

43-50Israel ngamah kumpi a om ma in a nuai a kumpite khat zawk ciang khat in Edom ngam uk hi.

51Edom mite sia a nuai a minam bangin kikhen uh a: Timna, Alvah, Jetheth, 52Oholibamah, Elah, Pinon, 53Kenaz, Teman, Mibzar, 54Magdiel le Iram te ahi uh hi.

⇑

[Remove Footnotes]