SAMUEL NIINA

(The Second Samuel)

Thupatna

Samuel niina sia Samuel khatna taw a kizom hi a, thangsang Judah ngam, (1-4) ngambuppi le sak sangah Israel huam (5-24) sungah David ii kumpi in a maanna tuanthu hi. David in bangbangin a ngam keau a, ama ii dinmun a kip sak natu le ngam sungah ama ii ngalte khut sung pan ahizong, ngam puasia ngalte pan ahizong, a kisaanna thu a telthiang vasel in a sonna ahi hi. David sia Pathian tungah a thuk mama kipiakkhiatna nei a, ama khut nuai mite tung pan thumaanna a lak thiam pa hi ci in kilak hi. David sia upna thuk nei in Pathian tungah a kipia mama mihing khat hi a, a mite in thumaan na taw a nung a zui mihing khat ahina kilak hi. Ahihang khat vevei sia ama ii uukna le tupna lianpite a tangtun natu in cizat nei ngawl thei si, mawna lipkhap huai mama zongh vawt thei si hi. Ahihang TOPA ii kamsang pa Nathan in a mawna taw a maitang ah a sua ciangin, mawna teng pualaak in, Pathian ii puak daante zongh thuak tu in a saanna thu kimu hi.

David ii nuntakzia le ama ii zawna tatuamte in Israel mite ii thin nasia takin khoi ahiman, ama khan zawkciang ngam bup ii ngim nga haksat hunte hong thet ciang kumpi dang khat a lungngul uh ciang, “David ii tapa” hi le, David taw a kibang ama ii suan le paal khat hile ci in thangai uh hi.

A kihel Thulute
Judah ii tungah David ii maanna 1:1-4:12
Israel ngam bup tungah David ii maanna 5:1-24:25
   a. Hunte kipat sawng 5:1-10:19
   b. David le Bathsheba 11:1-12:25
   c. Ngimnate le Haksatnate 12:26-20:26
   d. Hun nungsang thute 21:1-24:25

Samuel Niina 1

David in Saul ii Thina thu za

1Saul ii thi zawkciang, David sia Amalekte a zawna pan hong cia a, Ziklag ah ni nii taam hi. 2A khuavak ni ciangin khangno khat Saul ii ngiaphual panin hong theng hi. A khuangai a lak natu in ama in a puante eaukeak in a lu tungah leivui kipoai hi. Ama in David ii kungah pai in, zatak piakna in lei ah bok hi. 3David in,“Koisung pan hong pai ni ziam?” ci in dongh hi.

Ama in, “Israelte ngiaphual pan hong suakta khi hi,” ci in zo hi.

4“Bang thu teng piang ziam hong son tan,” David in ci hi.

“Ih ngalkap honte ngalphual panin taikeak hi, taciang ih mite tam ma kithatlum hi. Saul le a tapa Jonathan zongh kithat hi,” ci hi.

5“Bangbangin Saul le Jonathan thi hi ci in he ni ziam?” ci in David in dongh hi.

6Ama in, “Kei sia Gilboa Mualvum tungah ka om luilam a, taciang Saul sia a tei neal in om hi, taciang ngalleang le siphu ngalkapte in ama neak va-ial zo uh hi. * 7Tasia ciang ama hong kiheak a, kei hong mu in hong sam a, ka zo hi. 8Ama in kei sia kua ka hi hong dongh a, Amalek mi ka hi hi, ci in ka son hi. 9Tasia ciang ama in, ‘Hong pai tan a, hong that tan, kei sia nasia takin liam zo a, a thi tu hi zo khi hi,’ hong ci hi. 10Tua ahikom ama kung ka zuan a, ka that hi, banghangziam cile puksuk po le ama sia a thi tu hi veve hi ci in ka he hi. Tua zawkciang, ama lu tung pan a kumpi lukhu le a baan tung pan a hak ka la a, tuate nang hong puak khi hi, topa awng,” ci hi.

11David khuangai in a puan eaukeak a, a mite zongh in tabangma in ngamta uh hi. 12Amate in khuangai in mau in, Saul le Jonathan le Israelte TOPA ii mite ngalphual ah tam ma kithat ahikom, nitak dong an tang uh hi.

13A thu hong puak khangno pa sia, “Nang koisung pan ni ziam?” ci in David in dongh hi.

Ama in “Kei Amalekte ka hi a, ahizong nangma ngam sungah ka teang hi,” ci in zo hi.

14David in dongh thua a, “Banghangin TOPA ii teal sa kumpipa that ngam ni ziam?” ci hi. 15Taciang, David in a mite khat samin, “Hi sia pa that in!” ci in sawl hi. Tua pa in Amalek pa vaatin thatlum hi. 16David in Amalek pa tungah, “Hi thina sia nangma le nangma kisuan ni hi. TOPA ii kumpipa in a teal sa khat ka thatlum na ci hu in nangma le nangma nilkhiat thuak ni hi,” ci hi.

David in Saul le Jonathan Kaatap

17David in Saul le a tapa Jonathan hi bangin kaatap a, 18tasia Judah mite tungah hil sawn tu in thu pia hi. ( Jashar Laibu sungah kikhum hi.) *

19“Israel mual tungah ih lampuite thi zo! 20Gath ah taangko heak vun, ahibale 21“Gilboa mualte tungah nguatui le daaitui kia heak vun; 22Jonathan ii thal sia thi theina hi a, 23“Saul le Jonathan, taza in lamdang in it huai, 24“Israel a numeite awng, Saul kaatap vun! 25“Ngalkap hangte puk zo a, 26“Nang atu in khuangai khi hi, ka suapui Jonathan awng; 27“Ngalkap hangte liik siat zo a,
⇑

[Remove Footnotes]