1 Jesu Khrih i tirhkoh Peter in, Pontas, Galatia, Kapadosia, Asia le Bithinia ih A hril mi mikhual * bangih ṭekvai pawl hnenah, 2 Pa Pathian i theih cianak zulhin, Thlarau i thianfai rero lai hnaṭuannak ihsin, Jesu Khrih thu nan lung thei dingih, A thisenih theh mi si dingin: * Ngilneihnak le remawknak kimten nan ta si hram seh. [2:9 ]
3 Mithi ihsi tho leh Jesu Khrih zarah ruahsannak nungih in hrin thartertu Amai' zangfahnak maksak zarah, Pathian le kan Lalpa Jesu Khrih i Pa cu thangṭha ko seh. * [Jms 1:15 ; IPt 3:21 ] 4 siat thei lo mi le bawrhhlawh lo-ih, ziam thei lo ro co ding cu nan hrangah van- cungah ret ṭhat sak nan si, [Mk 6:20 ] 5 anmah cu nan rinnak zarah ni neta lam cãnih puangzãr dingih tiar cia rundamnak cu Pathian huham in A lo kilhim sak, [IKr 2:5 ] 6 Tunah malte sung vial si hmansehla, himi ah nan aipuang zet, a ṭul asile hniksaknak phunphunin a lo anhaiter, 7 meisa ih hniksak tikih siatral thei mi sui hnakih mankhung deuh, nan rinnak a tak cu Jesu Khrih A lang tikah lawm, sunlawih le upat nan co mi rahsuak hmuh a si lai ding; 8 cun Amah nan hmu lo cingin, Amah nan duhdawt, tunah Amah nan hmu lo cingin, Amah nan zum, thinnawmnak rel theih lo mi le, sunlawinakih khat thawn nasa zetin nan aipuang; [Jn 16:22 ; 20:29 ] 9 nan rinnak rah, nan nun * pawl run damnak nan co ngah. 10 Hi rundamnak parah, profet pawlin nan parih thleng ding ngilneihnak an phuan mi cu fimkhur zetin an hawlih an zingzawi, * [Mt 17:13 ; Lk 10:24 ] 11 Khrih i tuarnak le cumi thluntu sun- lawinak pawl a sim lai ahkhan, an sungih um Khrih ih Thlarau in ziangtivek minung le cãn a si ti theih tumin a hawl. [2Pt 1:21 ] 12 Hi thilah thuthangṭha simtu pawlin nan hnenih tui' an than mi hmangin, vancung ihsi Thlarau Thianghlim ih thlah mi thil cu vancungmi in hmuh an hiar bangin, an hnenah phuang hmansehla, an hrangah si lo-in, nan hrangah a si deuh. [Tr 2:2-4 ]
13 Cuiuangah nan lung cangvai dingah timtuah cia * uhla, lungthin fimhring ten um uh, Jesu Khrih A lang tikih nan hnenih A rak ken ding mi ngilneihnak parah nan ruahsannak bun lawlaw uh.[Lk 12:35 ; Efe 6:14 ] 14 Zawnlung fa bangin, tui hlanih theih lonak ruangih nan ta a rak si mi, a hlanih hurnak thlun hlah uh, [Rm 12:2 ; IPt 4:2-3 ] 15 asinan cuti-ih thlun hnakin anmah A kotu Thianghlim a si bangin, nan nun- canzia ziangkimah thianghlim ten um uh; [2Kr 7:1 ; IThe 4:7 ] 16 ziangruangahtile KEIMAH KA THIAN HLIM BANGIN, NANNIH KHAL THIANG HLIM UH," ti-ih ngan a si. [Pui. 11:14 ; 19:2 ; 20:7 ] 17 Cun hmaisong mi neilo hlengih zokhal an thil tidan zulhih cawhkuan petu, Pa ti ih kawh mi nan neih bangin, hi leitlunih khualtlawng nan si sung cu ṭihzahten nung uh; [Rm 2:11 ; Jms 2:1 ; IPt 3:5 ] 18 nan pupa hnen ihsi nan ngah sawng vivo mi pupa thurosiah bangin, a siat thei mi thil sui le ngunih tlen mi nan si lo ti thei-in, [IKr 6:20 ; 7:23 ] 19 cuhnakin sawihnawm-kai lole, him, Tuufa No Khrih thisen mankhungih tlen mi nan si. [Isa. 53:7 ; Jn 1:29 ; Tr 20:28 ; Heb 9:14 ] 20 Ziangahtile Amah cu leilung hram bun hlan ihsi theih cia asinan, tui neta cãnah nanmah ruatah A ra langih [Efe 1:4 ] 21 nanmah cu rinnak le ruahsannakah Pathian ih ṭhum aw dingah, mithi kai thotu le sunlawinak petu Amai' zarah Pathian zumtu nan si.
22 Thutak nan lun bangin, unau duh dawt awknak cu tlaitluangten nan nun tla thianter uhla, thinlung sung ihsin pakhat le pakhat ngaina aw zetin duhdawt aw cio uh, 23 ziangtintile, hrinthar nan sinak cu siat thei mi cinung si lo-in, siat thei lo, a nungih a hmun mi Pathian thu zarah a si deuh. [Jms 1:18 ; IPt 1:3 ] 24 Ziangahtile, "TAKSA ZATEN HRAMPI TLUK AN SI, A SUNLAWINAK ZATEN HRAMPI PAR TLUKFANG AN SI. HRAMPI AN VUAIIH A PAR AN ṬIL. 25 ASINAN LALPAI' THU CU KUMKHUA A HMUN." Cun nan hnenih an rak lo sim mi thu cu himi a si.
