1 A hramthawkah Pathian in lei le van A sem * ter. [Sem 136:5 ; Jn 1:1-3 ; Kol 1:16-17 ; Heb 1:8 ,10; 11:3 ] 2 Cun leilung cu pianhmang nei lo lawnglak a si, thimnak cu a thuk mi hmai tlunah a um, Pathian Thlarau cu tidai parah A leng. [Jer 4:23 ]
3 Cule Pathian in, "Eng um seh"; A ti-ih eng a um. [2Kr 4:6 ; cf. Heb.11:30 ] 4 Cun Pathian in cui eng cu ṭha-in A hmu, ih Pathian in eng le thim A ṭhen. * 5 Cun Pathian in eng cu sun A ti-ih, thim cu zãn ti-ah A ko. Cun zãnlam le zinglam a umih, ni khatnak a si. [19:2 ; 33:6]
6 Cule Pathian in, "Tidai lai-ah dangtu tlolak um sehla, tidai le tidai ṭhen seh," A ti. * 7 Cun tlunlam tidai le hnuailam tidai ṭhentu ah Pathian in tlolak A tuah; cutin a rak si taktak. * 8 Cun Pathian in tlolak cu Van ti-ah A ko. Cun zãn le zinglam a umih, ni hnihnak a si.
9 Cule Pathian in, "Van hnuai-ih tidai cu hmun khatah fin aw thluh sehla, leipho lang seh," A ti; cutin a rak si taktak. [Jb. 26:10 ; Sem. 24:1 , 2; 99:5 ; 2Pet. 3:5 ] 10 Cun Pathian in leipho cu leilung A ti-ih, hmun khatih finkhawm aw tidai cu tifinriat ti-ah A ko; cucu Pathian in ṭha-in A hmu. * 11 Cule Pathian in, "Leilungin thlaikung le mu nei hramko suah sehla, mah phun cio-in leilungah rah nei seh, an rah sungih mu nei hramkung le thingkung cu mah phun cio-in leiram parah keuh seh," A ti; cutin a rak si taktak. * [Heb.6:7 ; Sem.16:1 ] 12 Leiram in thlaikung, mah phun cio in hram ko rah a suahih, an phun vek cio-in, rah sungih mu nei a suahih, Pathian in ṭha-in A rak hmu. 13 Cun zanlam le zinglam a umih, ni thum nak a si.
14 Cule Pathian in, "Sün le zãn ṭhentu dingah vanih tlolak ah eng um seh, cu tla cun tikcü, ni le kum hminsinnak ah siseh; 15 Cui pawl cun vãn tlolak ihsin leitlun engtertu dingah si hai seh," A ti; cutin a rak si taktak. 16 Cun Pathian in Eng nasa zet pahnih A tuah, eng na deuh in sun uk ding le, eng nep deuhin zãn uk dingah a si; arsi khal A tuah. [Sam 136:7-9 ] 17 Cun leilung parih eng petu dingin van tlolak ah Pathian in A ret, 18 sün le zãn uktu ding le eng le thim ṭhentu dingah a si-ih; Pathian in ṭha-in A hmu. [Jer 31:35 ] 19 Cun zãnlam le zinglam a umih, ni linak a si. *
[Sem 2:19 ]
20 Cule Pathian in, "Tidai sung ihsin cangvai thei nunnak nei tampi suak sehla, vãn tlolak ah vate zuang hai seh," A ti. 21 Cun Pathian in tidai ah ramsa tumpi le a cangvai thei mi thilnung A semter, thilnung kip le vak thei kipin mah phun cio-in, thla nei vate anmah an phun vek cio-in Pathian in A semter; Pathian in ṭha-in A rak hmu 22 Cun Pathian in malsawm in, "Ci zaih in pungzai seh, tifinriat sungah khat sehla, leilung parah vate um hai seh," A ti.[8:17 ; 9:1] 23 Cutawkah zãnlam le zïnglam a umih, ni nganak a si.
ṭ uanvo
24 Cule Pathian in, "Leilungin anmah phun cio-in thilnung suakter seh: rannung, bawk vak ih feh le, leilungih ramsa an si-ih, a phun cio-in um seh," A ti; cutin a si taktak. 25 Cun leilung parih ramsa, rannung le bawkvakih feh leitlun thilnung phunkim an phun cio-in, Pathian in A tuahih, Pathian in ṭha-in A hmu.
[2:8-17 ] 26 Cule Pathian in, "Kan piankeng le kanmah bangnak nei-in minung tuah uh si," A ti; cule tifinriat sungih nga, tlun-zuang vate, rannung le leilung tlun hmuahhmuah le leilung parih bawkvakih feh pohpoh uk seh," A ti. * [Sem 5:1 ; 9:2-6 ; Kol 3:10 ; Se 8:6 ] 27 Cuisin Pathian in minung cu Amai' piankengin A semterih, Amah Pathian pian- kengin mipa le nunau A rak semter. * [Mt 19:4 ; Mk 10:6 ] 28 Cun Pathian in mal A sawmih; Pathian in an hnenah, "Ci thlah in pungzai uhla, leilung luah khat uh, nehin tukdai uh; tifinriat sungih nga, tlunzuang vate le leilung parih vak, thilnung ziangkim tlunah uk uh," A ti. * [9:7 ] 29 Cule Pathian in, "Ngaihman, leilung hmai vangdap zate parih um, mu nei thlai kung tinkim le thingthei rah mu nei zaten Ka lo pe; cucu nan hrangah rawl siseh," A ti; 30 cun nunnak nei leilungih ramsa zate, tlunzuang vate, le nunnak nei leilung parih bawkvakih feh thil kipin an rawl dingah thlai hring pohpoh Ka pe," A ti; cuti in a rak si taktak. 31 Thil phunkim a tuah mi Pathian in A hmu, cun ngaihman, cucu a ṭha zet. Cuisin zãnlam le zïnglam a umih, ni ruknak a si.
