1 Uz ramah mi pakhat a umih a hmin cu Job a si, amah cu sawihnawm kailo, mitlai- tluang, Pathian ṭihzah le ṭhat lonak hrial a si. * 2 Fapa pasarih le fanu pathum a nei: 3 A neih mi khal cu tuu thawngsarih, kalauk thawng sawmthum, cawcang kawlbat tuak zanga, laãknu zanga le hnenum tampi a si; ni suahnak lam mi lakah mi ropi bik a si. * 4 A fapa pawlin a ha ha ten con an tuah ṭheu-ih, inn khat hnu inn khat ah ei le in dingin an farnu pathum an sawm ṭheu. 5 Mah ha cio contuah a kim tikah hitin a si, serhhran aw dingin Job in mi a thlah, zingpit in a tho-ih an tam zatin halral serhpek ding a tuah sak; ziangahtile Job in, "Ka fapa sual pawlin, an thinlung sungin Pathian an cam pang ding," ti a phang. Himi cu Job ih tuahdan a si ṭheu. 6 Tunah ni khat cu LALPAI' hmai-ah hlan aw dingin Pathian fapa pawl an ra ih setan khal an zawngah a ra ve. * [1:13 ] 7 Cule LALPA'N setan hnenah, "Khui tawk ihsin na ra?" ti-ah a sut. Setan in LALPAI' hnenah, "Leilung par a sukso ka tawihvah- nakin ka ra," ti-ah a sawn. * [1Pt 5:8 ] 8 Cule LALPA'N Setan hnenah, "Ka siah- hlawh Job na ngaihtuah dah maw? Ziangahtile leilung parah hnawikailo sawi, mitlaitluang, Pathian ṭihzahih ṭhat lonak hrial amah tluk mi an um lo. 9 Cule Setan in LALPAI' hnenah, "Asan um loin Job in Pathian a ṭihzah pei maw?" ti-in a let. 10 A inn kiangkap le hmun kipah a neih mi thil pohpoh thawn Na kulh a si lo maw? A kut ṭuan mi leiram parah a neih mi thilri an tam vivo. 11 "Sihmansehla Na kut hawi awla, tunah a neih mi pohpoh tham sak hnik hman, Na hmai rori ah a lo cam tengteng ding," a ti. 12 Cule LALPA'N setan hnenah, "Zohhman, cuti asile a neih mi thil pohpoh cu Na thuthu a si, amai' par lawngah Na kut thlak hlah," a ti. Cuisin setan cu LALPAI' hnen ihsin a suak.
13 Tunah Job i fanu le fapa cu contuah in an upa bik innah kerep zu an in tlang rero lai-ah hitin a cang, [1:5 ] 14 Job hnenah zualko pakhat a ra thleng, "Cawcang leileh lai le kan kiangih lãak hram an piat rero lai-ah, 15 Sabean mi an ra ih an ra thiar thluh. Siahhlawh khal ralnam zim zumin an sun- that, nangmah sim dingah keimah lawng ka tlan suak," a ti. * 16 Cuti-ih an ṭong lai-ah a dang zualko a ra thleng, "Van ihsin Pathian i meisa a tla-ih, tuu le siahhlawh pawl an kang thluh, nangmah sim dingah keimah lawng ka tlansuak," a ti. 17 Cuti-ih a ṭong laiah a dang zualko a ra thleng leh, raldo bu tuak thumin Kaldia mi an ra ih, kalauk in longih an tlan hlohpi, siahhlawh cu namzim zumin an thatih nangmah sim dingah keimah lawng ka tlan suak," a ti. * 18 Cuti-ih a ṭong lai-ah a dang zualko a ra thleng lala, "An upa bik innih contuahin na fapa le fanu pawl kerepti zu an in lai-ah, [1:4 ,13] 19 Ngaihman, thlaler thlisia cak zet a ra hrãng duakih, inn cu hmunli in a nuai, mino pawl a nen that, nangmah sim dingah keimah lawng ka tlan suak," a ti.
20 Cuisin Job a thawkih a kawrfual thlekin a sam a met kawlh, leilungah a bawkkhupih a bia, [Sem.37:29 ,34; cf. 1Pt 5:6 ] 21 Cun amah in, "Ka nui' sul sungin taklawngin ka suakih, taklawngin ka kir ding. LALPA'N i pe'ih LALPA'N A la kir LALPAI' hmin thangṭha seh * " [Jms 1:17 cf. 1Pt 5:6 ] 22 Hizat a can khalah Job a sual lo-ih Pathian a mawhthluk lo. [2:8 ]
