SOLOMON HLA
(The Songs of Solomon)
Thuhmaihruai
Solomon Hla timi hi Hla lakih Hla ṭhabik (The Song of Songs) tiah Hebru Baibal sungah a um. Solomon Hla timi hi neta lam ih an kawhnak hmin a si. Ziangah Solomon Hla an run ti tile Hebru Baibal an nganmi sungah Solomon hmin a tel vivo (1:1,5; 3:7,9,11; 8:11,12) ruangah a si. Solomon ih phuahmi hla khal a si thei; culole Solomon upatnak ih an phuahmi hla khal a si thei. Kan thei fiang lo.
Hi hla hi fala tlangval duhawknak hla khawlkhawmmi a si. A tam bik ahcun mipa in nunau a lehmi hla le nunau in mipa a lehsalnak hla an si.
Hi hla hi Judah mi pawl cun Pathian le milai kan pehzom awk daan langtertu zuk a si tiah an zum. Cun Khristian pawl khal in Khrih le a Kawhhran pehzom awk daan zuk a si an ti ve. Asinain ‘Pathian’ timi ṭongfang a um lo ih ‘Khrih’ a si lole ‘Khristian’ timi ṭongfang khal a tel lo. Hebru mi (Israel mi) le Judah mi pawl ih fala-tlangval ngainak hla a si, tiah Baibal thiamtu pawl tam deuh in an zum.
| Thutlangpi |
|---|
| Hla fingkhatnak | (1:1–2:7) |
| Hla finghnihnak | (2:8–3:5) |
| Hla fingthumnak | (3:6–5:1) |
| Hla finglinak | (5:2–6:3) |
| Hla fingnganak | (6:4–8:4) |
| Hla fingruknak | (8:5-14) |
Solomon Hla 1
1Hla lakih hla ṭha bik, Solomon ih mi hlamawi pawl.
Hla Fingkhatnak
Nunau
2Na hmur in i hnam aw,
-
I ngainak cu sabitti hnakin
-
a thlum sawn.
-
3Nang cu a hmui in na hmui,
-
Zihmui bangin na hmin a thang.
-
Nunau zokhal nang ngai loin
-
4I hruai awla kan tlanhlo ding;
-
Ka bawipa si awla na umnak khaan
-
Hmunkhatah nuam tlang uhsi;
-
Diriam in kan duh awknak thuk
-
sungah kan ciah aw ding.
-
Nunau hmuahhmuah in an lo ngai hi
-
5Jerusalem leengrual tla,
-
Dum hman ningna mi mawi ka si;
-
Kedar deuthlam bang ka dum nain,
-
Solomon inn puanzaar iang in
-
ka mawi.
-
6Ka dum ruangah i iai hlah uh,
-
Ka ṭa le pawl ka parah an
-
Sabit dum ah hna in ṭuanter;
-
Zutmetawknak caan hman nei
-
loin.
-
7I sim hnik law, nang ka ngai aw;
-
Khuiah simaw na tuurual na khalh?
-
Khuiah simaw an colh ding sun ni
-
Ziangah so tuukhaal dang pawl ih
-
tuurual lakah,
-
Ka lo hawl rero ding?
Mipa
8Nunau lakih duh thla leeng bik,
-
Nang in a hmun na thei lo maw?
-
Feh awla tuurual pawl thlun aw;
-
Tuukhal pawlih thlamte kiangah
-
Na me hrangah tlimno hawl aw.
-
9Ka ngai bikmi nang cun,
-
Rang nu pakhat in Faro rangleng
-
hnuktu rangcang tampi
-
lung a thawhter bangin,
-
Valrual thinlung na thawhter hai.
-
10Mawi tuk aw khua na sawm ai sam
-
Man sung lung bang na hngawng
-
tlunah tlai sialso te in.
-
11Hmanseh na hrang ṭaang orh
-
sui ṭhi tuah uhsi,
-
Ngun khuut hlawn thil thawn.
Nunau
12Tintling tlunah, zau maw ka bawi,
-
Ka zihmui rimthaw in a zeel.
-
13Ka lungduh cu mura rimthaw
-
Ka siang ṭaang cung par a zau ah.
-
14Ka lungduh valpa cu ram pangpar
-
An sim Engedi Sabit hmuan parmawi
Mipa
15Mawi sersi ee, ka duh bik cu,
-
Duhnunnak na mit ah ni bang tle.
Nunau
16Ka lungduh cem, valno lakah na
-
Nuam cuang hlei in lung i ngamter,
-
Zaunak tintling, hramhring
-
hmang in.
-
17Kan inn kaan ah sidar thing,
-
A siling ah farthing si ngai.
